zahrab pine wale amar ho ke rah gae

Wamiq Jaunpuri

zahrab pine wale amar ho ke rah gae

Wamiq Jaunpuri

MORE BYWamiq Jaunpuri

    zahrāb piine vaale amar ho ke rah ga.e

    naisāñ ke chand qatre guhar ho ke rah ga.e

    ahl-e-junūñ vo kyā hue jin ke baġhair ham

    ahl-e-ḳhirad ke dast-e-nigar ho ke rah ga.e

    sahrā ga.e to shahr meñ ik shor mach gayā

    jab lauT aa.e shahr-badar ho ke rah ga.e

    ummīd ke habāboñ pe ugte rahe mahal

    jhoñkā ek aayā khañDar ho ke rah ga.e

    rāhoñ pe dauḌte rahe ātish ba-zer-pā

    manzil milī to ḳhāk-basar ho ke rah ga.e

    āvāragard misl bagūloñ ke ham rahe

    baiThe to gard-e-rāhguzar ho ke rah ga.e

    baḌhte rahe sarāboñ pe mānind-e-tishnagī

    paanī milā to ḳhushk shajar ho ke rah ga.e

    nazreñ talāsh-e-husn meñ pahuñchīñ ufuq

    jalve tamām hadd-e-nazar ho ke rah ga.e

    pābandiyoñ meñ the to dikhāte the mojaze

    āzādiyoñ meñ shobada-gar ho ke rah ga.e

    Dhāle ga.e to pattharoñ se phuuT nikle raag

    toḌe ga.e to raqs-e-sharar ho ke rah ga.e

    chañg o rabāb meñ rahe mānind-e-naġhmagī

    teġh o sināñ meñ siina sipar ho ke rah ga.e

    muñh jitne utnī bāteñ kahī rahī haiñ aaj

    yuuñ mushtahar hue ki ḳhabar ho ke rah ga.e

    'vāmiq' do-dhārī teġh hai vo lahja-e-jadīd

    naġhme tamām ḳhuun meñ tar ho ke rah ga.e

    zahrab pine wale amar ho ke rah gae

    naisan ke chand qatre guhar ho ke rah gae

    ahl-e-junun wo kya hue jin ke baghair hum

    ahl-e-KHirad ke dast-e-nigar ho ke rah gae

    sahra gae to shahr mein ek shor mach gaya

    jab lauT aae shahr-badar ho ke rah gae

    ummid ke hababon pe ugte rahe mahal

    jhonka sa ek aaya khanDar ho ke rah gae

    rahon pe dauDte rahe aatish ba-zer-pa

    manzil mili to KHak-basar ho ke rah gae

    aawaragard misl bagulon ke hum rahe

    baiThe to gard-e-rahguzar ho ke rah gae

    baDhte rahe sarabon pe manind-e-tishnagi

    pani mila to KHushk shajar ho ke rah gae

    nazren talash-e-husn mein ja pahunchin ta ufuq

    jalwe tamam hadd-e-nazar ho ke rah gae

    pabandiyon mein the to dikhate the mojaze

    aazadiyon mein shobada-gar ho ke rah gae

    Dhaale gae to pattharon se phuT nikle rag

    toDe gae to raqs-e-sharar ho ke rah gae

    chang o rabab mein rahe manind-e-naghmagi

    tegh o sinan mein sina sipar ho ke rah gae

    munh jitne utni baaten kahi ja rahi hain aaj

    yun mushtahar hue ki KHabar ho ke rah gae

    'wamiq' do-dhaari tegh hai wo lahja-e-jadid

    naghme tamam KHun mein tar ho ke rah gae

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY