zamin par waqt rahte aasman se lauT aaya main

zamīñ par vaqt rahte āsmāñ se lauT aayā maiñ

ḳhudā kā shukr hai shahr-e-gumāñ se lauT aayā maiñ

mujhe tum kyā batāoge hadoñ se paar kyā kyā hai

jahāñ tum jā rahe ho nā vahāñ se lauT aayā maiñ

koī manzil nahīñ hai marhale hī marhale haiñ bas

jahāñ ye sach khulā mujh par vahāñ se lauT aayā maiñ

zamin par waqt rahte aasman se lauT aaya main

KHuda ka shukr hai shahr-e-guman se lauT aaya main

mujhe tum kya bataoge hadon se par kya kya hai

jahan tum ja rahe ho na wahan se lauT aaya main

koi manzil nahin hai marhale hi marhale hain bas

jahan ye sach khula mujh par wahan se lauT aaya main