zanjir-e-mohabbat ne rihai nahin di
zanjīr-e-mohabbat ne rihā.ī nahīñ dī
pāband kiyā aur rasā.ī nahīñ dī
us ko bhī kisī tarh bharosa nahīñ thā
maiñ ne bhī kisī taur safā.ī nahīñ dī
vo zor havā kā thā bahā le gayā sab
vo shor ki dhaḌkan bhī sunā.ī nahīñ dī
ik hosh kī tahzīb ne baḳhshā thā ye zabt
ḳhāmosh kiyā talḳh-navā.ī nahīñ dī
sad-haif ki tā-'umr ḳhudāoñ meñ rahā
sad-shukr ki duniyā ne ḳhudā.ī nahīñ dī
zanjir-e-mohabbat ne rihai nahin di
paband kiya aur rasai nahin di
us ko bhi kisi tarh bharosa nahin tha
main ne bhi kisi taur safai nahin di
wo zor hawa ka tha baha le gaya sab
wo shor ki dhaDkan bhi sunai nahin di
ek hosh ki tahzib ne baKHsha tha ye zabt
KHamosh kiya talKH-nawai nahin di
sad-haif ki ta-'umr KHudaon mein raha
sad-shukr ki duniya ne KHudai nahin di
- Book : Ishq (Pg. 101)
- Author : Moid Rasheedi
- Publication : Rekhta Publications (2024)
- Edition : 2nd
Additional information available
Click on the INTERESTING button to view additional information associated with this sher.
About this sher
rare Unpublished content
This ghazal contains ashaar not published in the public domain. These are marked by a red line on the left.
