zara si an-ban mein ruTh kar wo jo dushmanon mein Tahal rahe hain

zarā sī an-ban meñ ruuTh kar vo jo dushmanoñ meñ Tahal rahe haiñ

abhī jo nauha bane hue haiñ kabhī hamārī ġhazal rahe haiñ

binā batā.e chalā gayā thā batā ke milne jo aa gayā huuñ

to ruuTh kar vo ga.e haiñ ghar meñ ḳhushī se chhup kar uchhal rahe haiñ

maraz huā hai mohabbatoñ kā ye raat kaise kaTegī jaane

hamārī nīñdeñ bhī uḌ chukī haiñ sanam bhī karvaT badal rahe haiñ

vikās kī hai 'ajīb sweater bunī na sattar baras se ab tak

ġharīb bunte haiñ jis ko har din amiir jis ko ukal rahe haiñ

jo ḳhuuñ bahā.e bane masīhā jo jhuuT bole bane vo hātim

vo a.alā qadreñ kahāñ ga.iiñ sab usuul saare badal rahe haiñ

vo ban ke dajjāl yuuñ uThā ke ḳhudā samajh kar bahak ga.e sab

hai shukr kuchh ko shu'ūr aayā hai shukr ab kuchh sambhal rahe haiñ

ye saḳht nafrat ye qatl-o-ġhārat ye mahñgī ashyā ye jhuuT vā'de

shikār kab tak jiyegā āḳhir vo tiir kitne badal rahe haiñ

bahut se dānoñ hue haiñ jag meñ magar ye 'az.har' baḌā hai sab se

chhupe haiñ Dar se jo devtā haiñ avaam ke dil dahal rahe haiñ

zara si an-ban mein ruTh kar wo jo dushmanon mein Tahal rahe hain

abhi jo nauha bane hue hain kabhi hamari ghazal rahe hain

bina batae chala gaya tha bata ke milne jo aa gaya hun

to ruTh kar wo gae hain ghar mein KHushi se chhup kar uchhal rahe hain

maraz hua hai mohabbaton ka ye raat kaise kaTegi jaane

hamari ninden bhi uD chuki hain sanam bhi karwaT badal rahe hain

wikas ki hai 'ajib sweater buni na sattar baras se ab tak

gharib bunte hain jis ko har din amir jis ko ukal rahe hain

jo KHun bahae bane masiha jo jhuT bole bane wo hatim

wo aala qadren kahan gain sab usul sare badal rahe hain

wo ban ke dajjal yun uTha ke KHuda samajh kar bahak gae sab

hai shukr kuchh ko shu'ur aaya hai shukr ab kuchh sambhal rahe hain

ye saKHt nafrat ye qatl-o-ghaarat ye mahngi ashya ye jhuT wa'de

shikar kab tak jiyega aaKHir wo tir kitne badal rahe hain

bahut se danon hue hain jag mein magar ye 'azhar' baDa hai sab se

chhupe hain Dar se jo dewta hain awam ke dil dahal rahe hain