zara si choT lagi thi ki chalna bhul gae

zarā sī choT lagī thī ki chalnā bhuul ga.e

sharīf log the ghar se nikalnā bhuul ga.e

tirī umiid pe shāyad na ab khare utreñ

ham itnī baar bujhe haiñ ki jalnā bhuul ga.e

tumheñ to ilm thā bastī ke log kaise haiñ

tum is ke ba.ad bhī kapḌe badalnā bhuul ga.e

hameñ to chāñd sitāroñ ko rusvā karnā thā

so jān-būjh ke ik roz Dhalnā bhuul ga.e

'hasīb'-soz jo rassī ke pul pe chalte the

paḌā vo vaqt ki saḌkoñ pe chalnā bhuul ga.e

zara si choT lagi thi ki chalna bhul gae

sharif log the ghar se nikalna bhul gae

teri umid pe shayad na ab khare utren

hum itni bar bujhe hain ki jalna bhul gae

tumhein to ilm tha basti ke log kaise hain

tum is ke baad bhi kapDe badalna bhul gae

hamein to chand sitaron ko ruswa karna tha

so jaan-bujh ke ek roz Dhalna bhul gae

'hasib'-soz jo rassi ke pul pe chalte the

paDa wo waqt ki saDkon pe chalna bhul gae