zarurat kuchh ziyaada ho na jae
zarūrat kuchh ziyāda ho na jaa.e
samundar aur gahrā ho na jaa.e
ye dhun ye mauj le Duube na mujh ko
bagūlā ġharq-e-sahrā ho na jaa.e
havā.eñ sar-barahna phir rahī haiñ
qabā-e-gul tamāshā ho na jaa.e
abhī kuchh tiir tarkash meñ bhī hoñge
purānā zaḳhm achchhā ho na jaa.e
qayāmat kī ghaḌī hai aaj sūraj
savā neze se ūñchā ho na jaa.e
vahī imkān jis se Dar rahe haiñ
vahī imkān paidā ho na jaa.e
mirī har baat sachchī ho rahī hai
'najīb' ik hashr barpā ho na jaa.e
zarurat kuchh ziyaada ho na jae
samundar aur gahra ho na jae
ye dhun ye mauj le Dube na mujh ko
bagula gharq-e-sahra ho na jae
hawaen sar-barahna phir rahi hain
qaba-e-gul tamasha ho na jae
abhi kuchh tir tarkash mein bhi honge
purana zaKHm achchha ho na jae
qayamat ki ghaDi hai aaj suraj
sawa neze se uncha ho na jae
wahi imkan jis se Dar rahe hain
wahi imkan paida ho na jae
meri har baat sachchi ho rahi hai
'najib' ek hashr barpa ho na jae
Source:
Rooh-e-Ghazal,Pachas Sala Intekhab (Pg. 784)
-
- Edition: 1993
- Publisher: Anjuman-e-Rooh-e-Adab, Allahabad
- Year of Publication: 1993
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
