aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zer-e-lab raha nala dard ki dawa ho kar

Tabish Dehlvi

zer-e-lab raha nala dard ki dawa ho kar

Tabish Dehlvi

MORE BYTabish Dehlvi

    zer-e-lab rahā naala dard davā ho kar

    aah ne sukūñ baḳhshā āh-e-nā-rasā ho kar

    kar diyā ta.ayyun se zauq-e-ijz ko āzād

    naqsh-e-sajda ne mere terā naqsh-e-pā ho kar

    fart-e-ġham se behis huuñ ġham hai ġham na hone

    dard kar diyā paidā dard ne davā ho kar

    ho chuke haiñ sil baazū hai na himmat-e-parvāz

    ham rihā na ho paa.e qaid se rihā ho kar

    hasrateñ nikaltī haiñ merī jaan jaatī hai

    dam laboñ pe aatā hai harf-e-mudda.ā ho kar

    ġham pe ġham mujhe de kar ġham se kar diyā mahrūm

    kyā milā zamāne ko sabr-āzmā ho kar

    ranj-e-aish hai baaqī ab na aish-e-ġham 'tābish'

    kuchh ḳhabar nahīñ mujh ko rah gayā huuñ kyā ho kar

    zer-e-lab raha nala dard ki dawa ho kar

    aah ne sukun baKHsha aah-e-na-rasa ho kar

    kar diya tayyun se zauq-e-ijz ko aazad

    naqsh-e-sajda ne mere tera naqsh-e-pa ho kar

    fart-e-gham se behis hun gham hai gham na hone ka

    dard kar diya paida dard ne dawa ho kar

    ho chuke hain sil bazu hai na himmat-e-parwaz

    hum riha na ho pae qaid se riha ho kar

    hasraten nikalti hain meri jaan jati hai

    dam labon pe aata hai harf-e-muddaa ho kar

    gham pe gham mujhe de kar gham se kar diya mahrum

    kya mila zamane ko sabr-azma ho kar

    ranj-e-aish hai baqi ab na aish-e-gham 'tabish'

    kuchh KHabar nahin mujh ko rah gaya hun kya ho kar

    Source:

    Rooh-e-Ghazal,Pachas Sala Intekhab (Pg. 181)

      • Edition: 1993
      • Publisher: Anjuman-e-Rooh-e-Adab, Allahabad
      • Year of Publication: 1993
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now