زندگی گو کشتۂ آلام ہے
زندگی گو کشتۂ آلام ہے
پھر بھی راحت کی امید خام ہے
ہاں ابھی تیری محبت خام ہے
تیرے دل میں کاوش انجام ہے
عشق ہے میں ہوں دل ناکام ہے
اس کے آگے بس خدا کا نام ہے
آ کہاں ہے تو فریب آرزو
آج ناکامی سے لینا کام ہے
میں وہی ہوں دل وہی ارماں وہی
ایک دھوکا گردش ایام ہے
اپنے جی میں یہ کہ دنیا چھوڑ دیں
اور دنیا کو ہمیں سے کام ہے
جل چکے چشم اعزا میں چراغ
سو بھی جا ملاؔ کہ وقت شام ہے
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
