zindagi ki aandhi mein zehn ka shajar tanha

zindagī kī āñdhī meñ zehn kā shajar tanhā

tum se kuchh sahārā thā aaj huuñ magar tanhā

zaḳhm-ḳhurda lamhoñ ko maslahat sambhāle hai

an-ginat marīzoñ meñ ek chāragar tanhā

buuñd jab thī bādal meñ zindagī thī halchal meñ

qaid ab sadaf meñ hai ban ke hai guhar tanhā

tum fuzūl bātoñ kā dil pe bojh mat lenā

ham to ḳhair kar leñge zindagī basar tanhā

ik khilaunā jogī se kho gayā thā bachpan meñ

DhūñDtā phirā us ko vo nagar nagar tanhā

jhuTpuTe kā aalam hai jaane kaun aadam hai

ik lahad pe rotā hai muñh ko Dhāñp kar tanhā

zindagi ki aandhi mein zehn ka shajar tanha

tum se kuchh sahaara tha aaj hun magar tanha

zaKHm-KHurda lamhon ko maslahat sambhaale hai

an-ginat marizon mein ek chaaragar tanha

bund jab thi baadal mein zindagi thi halchal mein

qaid ab sadaf mein hai ban ke hai guhar tanha

tum fuzul baaton ka dil pe bojh mat lena

hum to KHair kar lenge zindagi basar tanha

ek khilauna jogi se kho gaya tha bachpan mein

DhunDta phira us ko wo nagar nagar tanha

jhuTpuTe ka aalam hai jaane kaun aadam hai

ek lahad pe rota hai munh ko Dhanp kar tanha