zindagi ki har nafas mein be-kali tere baghair

zindagī kī har nafas meñ be-kalī tere baġhair

har ḳhushī lagtī hai dil ko ajnabī tere baġhair

fasl-e-gul ne laakh paidā kī fazā-e-pur-bahār

ġhuncha-e-dil par na aa.ī tāzgī tere baġhair

tishna-kāmī ko mirī sairāb karne ke liye

uThte uThte vo nazar bhī rah ga.ī tere baġhair

koī jalva koī manzar mujh ko bhātā hī nahīñ

chāñd kī sūrat bhī hai be-nūr sī tere baġhair

rah gayā āḳhir sukūñ-nā-āshnā ho kar 'mubīn'

āhaTeñ hone lagīñ haiñ dard kī tere baġhair

zindagi ki har nafas mein be-kali tere baghair

har KHushi lagti hai dil ko ajnabi tere baghair

fasl-e-gul ne lakh paida ki faza-e-pur-bahaar

ghuncha-e-dil par na aai tazgi tere baghair

tishna-kaami ko meri sairab karne ke liye

uThte uThte wo nazar bhi rah gai tere baghair

koi jalwa koi manzar mujh ko bhata hi nahin

chand ki surat bhi hai be-nur si tere baghair

rah gaya aaKHir sukun-na-ashna ho kar 'mubin'

aahaTen hone lagin hain dard ki tere baghair