aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

zindagi silsila-e-wahm-o-guman hai yaro

Majeed Lahori

zindagi silsila-e-wahm-o-guman hai yaro

Majeed Lahori

MORE BYMajeed Lahori

    zindagī silsila-e-vahm-o-gumāñ hai yaaro

    dil-e-betāb ko taskīn kahāñ hai yaaro

    vahī sayyād ghāteñ haiñ vahī kunj-e-qafas

    fasl-e-gul rehn-e-ġham-e-jaur-e-ḳhizāñ hai yaaro

    vahī afkār uljhan vahī māhaul jabr

    zehn pā-basta-e-zanjīr-e-girāñ hai yaaro

    vahī hasrat vahī lab aur vahī mohar-e-sukūt

    shauq ko jur.at-e-iz.hār kahāñ hai yaaro

    azm rah bhī vahī raah meñ kāñTe bhī vahī

    duur kosoñ marī manzil nishāñ hai yaaro

    bevafā.ī ḳhudārā mujhe ilzām na do

    tum pe hāl-e-dil-e-betāb ayaañ hai yaaro

    kaash maiñ kah bhī sakūñ kaash koī sun bhī sake

    aah vo raaz ki jo rāz-e-nihāñ hai yaaro

    mere hoñToñ pe hai ik naġhma-e-be-saut-o-sadā

    dil meñ ik mahshar-e-fariyād-o-fuġhāñ hai yaaro

    ik taġhāful ki jo hai vaj.h-e-pareshānī-e-dil

    ek yaad in hai jo rāhat-e-jāñ hai yaaro

    aaj sāhil ke qarīñ Dūbne vaalā hai 'majīd'

    nāḳhudā ko to pukāro vo kahāñ hai yaaro

    zindagi silsila-e-wahm-o-guman hai yaro

    dil-e-betab ko taskin kahan hai yaro

    wahi sayyaad ki ghaten hain wahi kunj-e-qafas

    fasl-e-gul rehn-e-gham-e-jaur-e-KHizan hai yaro

    wahi afkar ki uljhan wahi mahaul ka jabr

    zehn pa-basta-e-zanjir-e-giran hai yaro

    wahi hasrat wahi lab aur wahi mohar-e-sukut

    shauq ko jurat-e-izhaar kahan hai yaro

    azm ki rah bhi wahi rah mein kanTe bhi wahi

    dur koson mari manzil ka nishan hai yaro

    bewafai ka KHudara mujhe ilzam na do

    tum pe haal-e-dil-e-betab ayan hai yaro

    kash main kah bhi sakun kash koi sun bhi sake

    aah wo raaz ki jo raaz-e-nihan hai yaro

    mere honTon pe hai ek naghma-e-be-saut-o-sada

    dil mein ek mahshar-e-fariyaad-o-fughan hai yaro

    ek taghaful ki jo hai wajh-e-pareshani-e-dil

    ek yaad in ki hai jo rahat-e-jaan hai yaro

    aaj sahil ke qarin Dubne wala hai 'majid'

    naKHuda ko to pukaro wo kahan hai yaro

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now