hum kahan ruswa hue ruswaiyon ko kya KHabar

ham kahāñ rusvā hue rusvā.iyoñ ko kyā ḳhabar

Duub kar ubhre na kyuuñ gahrā.iyoñ ko kyā ḳhabar

zaḳhm kyuuñ gahre hue hote rahe hote ga.e

jism se bichhḌī huī parchhā.iyoñ ko kyā ḳhabar

kyuuñ taḌaptī hī rahīñ dil meñ hamāre bijliyāñ

kyuuñ ye dil bādal banā añgḌā.iyoñ ko kyā ḳhabar

kaun sī pāgal dhuneñ pāgal banātīñ haiñ hameñ

hoñTh se lipTī huī shahnā.iyoñ ko kyā ḳhabar

kis qadar tanhā hue ham shahr kī is bhiiḌ meñ

ye bhaTaktī bhiiḌ kī tanhā.iyoñ ko kyā ḳhabar

kab kahāñ ghāyal huiiñ pāgal nadī kī uñgliyāñ

barf meñ Thahrī huī ūñchā.iyoñ ko kyā ḳhabar

kyuuñ purānā dard uThThā hai kisī dil meñ 'kuñvar'

ye ġhazal gaatī huī purvā.iyoñ ko kyā ḳhabar

hum kahan ruswa hue ruswaiyon ko kya KHabar

Dub kar ubhre na kyun gahraiyon ko kya KHabar

zaKHm kyun gahre hue hote rahe hote gae

jism se bichhDi hui parchhaiyon ko kya KHabar

kyun taDapti hi rahin dil mein hamare bijliyan

kyun ye dil baadal bana angDaiyon ko kya KHabar

kaun si pagal dhunen pagal banatin hain hamein

honTh se lipTi hui shahnaiyon ko kya KHabar

kis qadar tanha hue hum shahr ki is bhiD mein

ye bhaTakti bhiD ki tanhaiyon ko kya KHabar

kab kahan ghayal huin pagal nadi ki ungliyan

barf mein Thahri hui unchaiyon ko kya KHabar

kyun purana dard uThTha hai kisi dil mein 'kunwar'

ye ghazal gati hui purwaiyon ko kya KHabar