ye sach hai ki paon ne bahut kashT uThae

ye sach hai ki paaoñ ne bahut kashT uThā.e

par paañv kisī tarah se rāhoñ pe to aa.e

hāthoñ meñ añgāroñ ko liye soch rahā thā

koī mujhe angāroñ kī tāsīr batā.e

jaise kisī bachche ko khilaune na mile hoñ

phirtā huuñ ka.ī yādoñ ko siine se lagā.e

chaTTānoñ se paaoñ ko bachā kar nahīñ chalte

sahme hue paaoñ se lipaT jaate haiñ saa.e

yuuñ pahle bhī apnā sā yahāñ kuchh to nahīñ thā

ab aur nazāre hameñ lagte haiñ parā.e

ye sach hai ki paon ne bahut kashT uThae

par panw kisi tarah se rahon pe to aae

hathon mein angaron ko liye soch raha tha

koi mujhe angaron ki tasir batae

jaise kisi bachche ko khilaune na mile hon

phirta hun kai yaadon ko sine se lagae

chaTTanon se paon ko bacha kar nahin chalte

sahme hue paon se lipaT jate hain sae

yun pahle bhi apna sa yahan kuchh to nahin tha

ab aur nazare hamein lagte hain parae