aaj ik aur baras biit gayā us ke baġhair

jis ke hote hue hote the zamāne mere

رد کریں ڈاؤن لوڈ شعر

(۳۳) الوداع اے افتخار نوع انساں الوداع

میر تقی میر

(۳۳) الوداع اے افتخار نوع انساں الوداع

میر تقی میر

MORE BYمیر تقی میر

    الوداع اے افتخار نوع انساں الوداع

    بادشاہ کم سپاہ اہل ایماں الوداع

    اے تمناے دل زہراے بیکس ہے دریغ

    وے ستم کشتہ علی کے خواہش جاں الوداع

    ہوگئے پانی جگر حسرت سے جب تونے کہا

    خشک لب اہل حرم سے ہو کے گریاں الوداع

    مر گیا محروم سب چیزوں سے تس پر بھی گئے

    ساتھ تیری جان کے صدگونہ حرماں الوداع

    یوں چمن کر کن نے دکھلایا ہے آگے معرکہ

    سرخ تھی سب تیرے خوں سے خاک میداں الوداع

    اے برنگ خاک یکسر داغ تجھ پر صد صلوٰۃ

    وے بسان گیسواں خاطرپریشاں الوداع

    مرگ اصغر میں ہوا ہنگامہ برپا حشر کا

    تونے رو کر جو کہا اے طفل ناداں الوداع

    کھانے پینے کی رہی کیا قید تجھ پر ہے ستم

    اے عزیز اس مجلس دوناں کے مہماں الوداع

    ہائے رخصت تیری یوں کیونکر ہوئی ہے اتفاق

    دشت تو بے آب سب یہ سر پہ طوفاں الوداع

    خوبی تیرے دم سے تھی اے خانہ ساز دیں درود

    گھر تو پھر سب ہوگیا اک دم میں ویراں الوداع

    مر گئے بیٹے بھتیجے سب ترے تصویر سے

    ہوگیا تو حال میں اپنے ہی حیراں الوداع

    نقل کیا اب بے سر و سامانی تیری کیجیے

    اے نہ تن پر سر نہ سر کو تیرے ساماں الوداع

    عورتیں بیکس گئیں سو لب پر ان کے ہائے واے

    کہہ گئے آگے ہی سب انصار و اعواں الوداع

    پاس پیکر کے کھڑی کلثوم لب پر الفراق

    ساتھ سر کے کہتی زینب خاک افشاں الوداع

    خاک میں بھی دفن ہونا تیری قسمت میں نہ تھا

    اے تمام اندوہ کم انبوہ سلطاں الوداع

    تو مسافر ہوگیا دوگام چل کر اے حسین

    شہربانو گئی بیاباں در بیاباں الوداع

    ایک بیٹا بیکس و بیمار سو کیا کیا کرے

    زاری و فریاد و آہ و شور و افغاں الوداع

    مرثیہ تو میرؔ تو کہتا ہی تھا پر اب کے یہ

    کیا کہی ہے ہائے اے نمناک مژگاں الوداع

    مأخذ:

    kulliyat-e-miir-Vol 2

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    بولیے