hai aap ke honTon pe jo muskan waghaira

hai aap ke hoñToñ pe jo muskān vaġhaira

qurbān ga.e us pe dil o jaan vaġhaira

billī to yūñhī muft meñ badnām huī hai

thaile meñ to kuchh aur thā sāmān vaġhaira

be-hirs-o-ġharaz qarz adā kījiye apnā

jis tarah police kartī hai chālān vaġhaira

ab hosh nahīñ koī ki bādām kahāñ hai

ab apnī hathelī pe haiñ dandān vaġhaira

kis naaz se vo nazm ko kah dete haiñ nasrī

jab us ke ḳhatā hote haiñ auzān vaġhaira

jamhūriyat ik tarz-e-hukūmat hai ki jis meñ

ghoḌoñ kī tarah bikte haiñ insān vaġhaira

har shirt kī bushirt banā Daalī hai 'anvar'

yuuñ chaak kiyā ham ne garebān vaġhaira

hai aap ke honTon pe jo muskan waghaira

qurban gae us pe dil o jaan waghaira

billi to yunhi muft mein badnam hui hai

thaile mein to kuchh aur tha saman waghaira

be-hirs-o-gharaz qarz ada kijiye apna

jis tarah police karti hai chaalan waghaira

ab hosh nahin koi ki baadam kahan hai

ab apni hatheli pe hain dandan waghaira

kis naz se wo nazm ko kah dete hain nasri

jab us ke KHata hote hain auzan waghaira

jamhuriyat ek tarz-e-hukumat hai ki jis mein

ghoDon ki tarah bikte hain insan waghaira

har shirt ki bushirt bana Dali hai 'anwar'

yun chaak kiya hum ne gareban waghaira