hamare sath ki sab laDkiyan ab naniyan hongi

hamāre saath kī sab laḌkiyāñ ab nāniyāñ hoñgī

kabhī biscuit thiiñ lekin ab vo bāqar-ḳhāniyāñ hoñgī

hamāre rahnumāoñ ne kuchh aise biij bo.e haiñ

jahāñ tarbūz ugte the vahāñ ḳhūbāniyāñ hoñgī

tumhīñ socho ki phir bārātiyoñ kā haal kyā hogā

agar shādī meñ jackson-heights kī biryāniyāñ hoñgī

election phir vo zil-hijj ke mahīne meñ karā.eñge

to kyā do daañt ke voter kī phir qurbāniyāñ hoñgī

ajab andāz se jannat meñ vo hūroñ pe jhapTeñge

magar mullāoñ ko pakḌe hue mullāniyāñ hoñgī

mire dāman meñ ḳhush-dāman ne ik hiirā jo Daalā hai

ye daulat hai to phir kyā be-sar-o-sāmānī hoñgī

jo s-m-s pe har laḌke ko dars-e-ishq detī haiñ

vo saarī laḌkiyāñ collage meñ kal ustāniyāñ hoñgī

yahāñ tum sajda-e-ta.azīm-e-insāñ ko bajā laao

vahāñ zanjīr meñ jakḌī huī peshāniyāñ hoñgī

hamare sath ki sab laDkiyan ab naniyan hongi

kabhi biscuit thin lekin ab wo baqar-KHaniyan hongi

hamare rahnumaon ne kuchh aise bij boe hain

jahan tarbuz ugte the wahan KHubaniyan hongi

tumhin socho ki phir baraatiyon ka haal kya hoga

agar shadi mein jackson-heights ki biryaniyan hongi

election phir wo zil-hijj ke mahine mein karaenge

to kya do dant ke woter ki phir qurbaniyan hongi

ajab andaz se jannat mein wo huron pe jhapTenge

magar mullaon ko pakDe hue mullaniyan hongi

mere daman mein KHush-daman ne ek hira jo Dala hai

ye daulat hai to phir kya be-sar-o-samani hongi

jo s-m-s pe har laDke ko dars-e-ishq deti hain

wo sari laDkiyan collage mein kal ustaniyan hongi

yahan tum sajda-e-tazim-e-insan ko baja lao

wahan zanjir mein jakDi hui peshaniyan hongi