hasin chehron se surat-ashnai hoti rahti hai

hasīñ chehroñ se sūrat-āshnā.ī hotī rahtī hai

samajh lo ibtidā.ī kāravā.ī hotī rahtī hai

hamārī biivī aur mahñgā.ī donoñ haiñ sagī bahneñ

hamārī jeb kī aksar safā.ī hotī rahtī hai

kahā maiñ ne ki milte ho bichhaḌ jaane kī niyyat se

kahā us ne mohabbat meñ judā.ī hotī rahtī hai

kahā maiñ ne mirī darḳhvāstoñ kā kyā banā āḳhir

kahā us ne ki un par kāravā.ī hotī rahtī hai

kahā laḌke kī ammī ne rahegī ḳhush sadā beTī

ki uupar se bhī laḌke kī kamā.ī hotī rahtī hai

tire pand-o-nasā.eh kā natīja sifr hai nāseh

burā.ī hotī rahtī thī burā.ī hotī rahtī hai

hasin chehron se surat-ashnai hoti rahti hai

samajh lo ibtidai karawai hoti rahti hai

hamari biwi aur mahngai donon hain sagi bahnen

hamari jeb ki aksar safai hoti rahti hai

kaha main ne ki milte ho bichhaD jaane ki niyyat se

kaha us ne mohabbat mein judai hoti rahti hai

kaha main ne meri darKHwaston ka kya bana aaKHir

kaha us ne ki un par karawai hoti rahti hai

kaha laDke ki ammi ne rahegi KHush sada beTi

ki upar se bhi laDke ki kamai hoti rahti hai

tere pand-o-nasaeh ka natija sifr hai naseh

burai hoti rahti thi burai hoti rahti hai