kal chaudhwin ki raat thi aabaad tha kamra tera

kal chaudhvīñ kī raat thī ābād thā kamrā tirā

hotī rahī din-tāk-din bajtā rahā tabla tirā

shauhar shanāsā āshnā ham-sāya āshiq nāma-bar

hāzir thā terī bazm meñ har chāhne vaalā tirā

āshiq haiñ jitne dīda-var tū sab kā manzūr-e-nazar

natthā tirā fajjā tirā airā tirā ġhairā tirā

ik shaḳhs aayā bazm meñ jaise sipāhī razm meñ

kuchh ne kahā ye baap hai kuchh ne kahā beTā tirā

maiñ bhī thā hāzir bazm meñ jab tū ne dekhā hī nahīñ

maiñ bhī uThā kar chal diyā bilkul nayā juutā tirā

ye maal ik Daake meñ kal donoñ ne mil kar luuTā hai

insāf ab ye kahtā hai aadhā mirā aadhā tirā

kal chaudhwin ki raat thi aabaad tha kamra tera

hoti rahi din-tak-din bajta raha tabla tera

shauhar shanasa aashna ham-saya aashiq nama-bar

hazir tha teri bazm mein har chahne wala tera

aashiq hain jitne dida-war tu sab ka manzur-e-nazar

nattha tera fajja tera aira tera ghaira tera

ek shaKHs aaya bazm mein jaise sipahi razm mein

kuchh ne kaha ye bap hai kuchh ne kaha beTa tera

main bhi tha hazir bazm mein jab tu ne dekha hi nahin

main bhi uTha kar chal diya bilkul naya juta tera

ye mal ek Dake mein kal donon ne mil kar luTa hai

insaf ab ye kahta hai aadha mera aadha tera