kitnī maqbūl dīvāngī ho ga.ī
jis taraf muñh ghumāyā hañsī ho ga.ī
sar pe vaa.iz ke vo usturā chal gayā
vo añdherā chhaTā raushnī ho ga.ī
mujh pe hañstī hai ye us pe hañstā huuñ
maiñ siḌī huuñ ki duniyā siḌī ho ga.ī
ab to un kī mohabbat kā aalam ye hai
muñh lagā.ī huī Domnī ho ga.ī
uff ye josh-e-raqābat adū jab milā
mūñchh khā khā ke bal ḳhud khaḌī ho ga.ī
allāh allāh rah-e-ishq kī Thokareñ
chaar din meñ tabī.at harī ho ga.ī
āh-e-sozāñ ne 'māchis' asar to kiyā
un kī sūrat to kuchh sāñvlī ho ga.ī
kitni maqbul diwangi ho gai
jis taraf munh ghumaya hansi ho gai
sar pe waiz ke wo ustura chal gaya
wo andhera chhaTa raushni ho gai
mujh pe hansti hai ye us pe hansta hun
main siDi hun ki duniya siDi ho gai
ab to un ki mohabbat ka aalam ye hai
munh lagai hui Domni ho gai
uff ye josh-e-raqabat adu jab mila
munchh kha kha ke bal KHud khaDi ho gai
allah allah rah-e-ishq ki Thokaren
chaar din mein tabiat hari ho gai
aah-e-sozan ne 'machis' asar to kiya
un ki surat to kuchh sanwli ho gai
Source:
Intikhab-e-Kalam-e-Machis Lakhnawi (Pg. ebook-30 page-29)
-
- Edition: 2004
- Publisher: Uttar Pradesh Urdu Academy, Lucknow
- Year of Publication: 2004
Additional information available
Click on the INTERESTING button to view additional information associated with this sher.
rare Unpublished content
This ghazal contains ashaar not published in the public domain. These are marked by a red line on the left.