میں ترا شہر

مجھ سے پھر میری کار تو مانگے

ایک یا دو ہزار تو مانگے

اس سے پہلے ادھار تو مانگے

میں ترا شہر چھوڑ جاؤں گا

گیت فلموں کے گنگنانے میں

روڈ پر لڑکیاں پٹانے میں

اس سے پہلے پٹوں میں تھانے میں

میں ترا شہر چھوڑ جاؤں گا

بن نہ جائے خبر بڑی کوئی

اس سے پہلے کہ پھلجھڑی کوئی

پھونک دے دل کی جھونپڑی کوئی

میں ترا شہر چھوڑ جاؤں گا

میری خاطر خرید لے ڈنڈے

اس سے پہلے کرائے کے غنڈے

توڑ دیں دانت میرے مسٹنڈے

میں ترا شہر چھوڑ جاؤں گا