main to ahl hun kisi aur ka meri ahliya koi aur hai

Khalid Irfan

main to ahl hun kisi aur ka meri ahliya koi aur hai

Khalid Irfan

MORE BY Khalid Irfan

    maiñ to ahl huuñ kisī aur mirī ahliya koī aur hai

    maiñ radīf-e-misra-e-ishq huuñ mirā qāfiya koī aur hai

    jo luġhat ko toḌ-maroḌ de jo ġhazal ko nasr se joḌ de

    maiñ vo bad-mazāq-e-suḳhan nahīñ vo jadīdiyā koī aur hai

    mujhe apne sher ke sāriqoñ se koī gila to nahīñ magar

    jo kitāb chhāp ke khā gayā vo farāḌiyā koī aur hai

    maiñ tirā Cousin mirī Cousin kareñ raqs phir sar-e-anjuman

    na tirā chachā koī aur hai na mirā chachā koī aur hai

    vo suhāg-rāt jahez meñ sag-e-pāltū bhī le aa.ī thī

    jo sahar huī to pata chalā yahāñ tīsrā koī aur hai

    hai mirī ġhazal bharam abhī mire narḳhare meñ hai dam abhī

    maiñ javāb-e-shā.er-e-asr huuñ mirā TeTuā koī aur hai

    kisī tajrabe talāsh meñ mirā aqd-e-sānavī ho gayā

    mirī ahliya ko ḳhabar nahīñ mirī ahliya koī aur hai

    main to ahl hun kisi aur ka meri ahliya koi aur hai

    main radif-e-misra-e-ishq hun mera qafiya koi aur hai

    jo lughat ko toD-maroD de jo ghazal ko nasr se joD de

    main wo bad-mazaq-e-suKHan nahin wo jadidiya koi aur hai

    mujhe apne sher ke sariqon se koi gila to nahin magar

    jo kitab chhap ke kha gaya wo faraDiya koi aur hai

    main tera Cousin tu meri Cousin karen raqs phir sar-e-anjuman

    na tera chacha koi aur hai na mera chacha koi aur hai

    wo suhag-raat jahez mein sag-e-paltu bhi le aai thi

    jo sahar hui to pata chala yahan tisra koi aur hai

    hai meri ghazal ka bharam abhi mere narKHare mein hai dam abhi

    main jawab-e-shaer-e-asr hun mera TeTua koi aur hai

    kisi tajrabe ki talash mein mera aqd-e-sanawi ho gaya

    meri ahliya ko KHabar nahin meri ahliya koi aur hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites