maulwi sare yahi kahte hain suniye hazraat

maulvī saare yahī kahte haiñ suniye hazrāt

zindagī naam hai khāte hue mar jaane kā

murġh chāhe ho kisī kā use qaabū kar lo

taaki aa jaa.e maza tum ko dinner khāne kā

saas aa jaa.e to kyuuñ ghar se chipak jaatī hai

ye muamma hai samajhne kā na samjhāne kā

raat ko sofe pe soyā maiñ baḌī mushkil se

ye thā in.aam mire der se ghar aane kā

itnī nārāz hai biivī mirī mujh se ki vo

pūchhtī rahtī hai har ik se pata thāne kā

bhayyā biivī se Daro baat na us kī Taalo

varna andesha hai phir bhuuk se mar jaane kā

apnī shoḳhī se na baaz aa.e tum ab bhī 'hammād'

shaiḳh se pūchh liyā rāsta mai-ḳhāne kā

maulwi sare yahi kahte hain suniye hazraat

zindagi nam hai khate hue mar jaane ka

murgh chahe ho kisi ka use qabu kar lo

taki aa jae maza tum ko dinner khane ka

sas aa jae to kyun ghar se chipak jati hai

ye muamma hai samajhne ka na samjhane ka

raat ko sofe pe soya main baDi mushkil se

ye tha inam mere der se ghar aane ka

itni naraaz hai biwi meri mujh se ki wo

puchhti rahti hai har ek se pata thane ka

bhayya biwi se Daro baat na us ki Talo

warna andesha hai phir bhuk se mar jaane ka

apni shoKHi se na baz aae tum ab bhi 'hammad'

shaiKH se puchh liya rasta mai-KHane ka