mausiqi se ilaj

Dilawar Figar

mausiqi se ilaj

Dilawar Figar

MORE BY Dilawar Figar

    ik muhaqqiq ne na.ī tahqīq farmā hai aaj

    fann-e-mausīqī se bhī mumkin hai insānī ilaaj

    sach hai ye daavā to ruḳhsat ai atibbā-e-kirām

    mustagī ko bandagī qurs-e-mullayan ko salām

    ab mudāvā-e-maraz hogā na.e andāz se

    ab huvashshāfī āvāz aa.egī har saaz se

    ab to nauTañgī meñ hogā ilāj-e-sāma.īn

    al-firāq ai gul-banafsha alvidā ai nisaplin

    nāmvar qavvāl puure doctor ho jā.eñge

    sirf sāzinde jo haiñ compaundar ho jā.eñge

    un davā-ḳhānoñ pe aise board ā.eñge nazar

    mutrib-e-ātish-navā miss-nāz lady doctor

    tharmameter jagah muñh meñ lagā kar bāñsurī

    doctor dekhegā kyā hālat hai ab bīmār

    maut bhī us shaḳhs tak aate hue ghabrā.egī

    jis ke sar par naza.a meñ Daflī bajā.ī jā.egī

    chūñki nusḳhoñ meñ ri.āyat hogī sirf ash.ār

    sirf shā.er ko jagah jā.egī attār

    paḌ ga.e ma.ajūn meñ kiiḌe ḳhamīra saḌ gayā

    bū-alī-sīnā ummīdoñ pe paanī paḌ gayā

    hazrat-e-'ajmal' ke jaadū asar zaa.il huā

    aadmī 'fayyāz'-ḳhāñ ke art qaa.il huā

    is ko kahte haiñ ḳhudā den ye hotī hai den

    ab civil-surgeon banegā jānashīn-e-tān-sen

    ab atibbā bhī nazar ā.eñge shahnā.ī-ba-dast

    sharbat-e-unnāb botal ko paiġhām-e-shikast

    un se kah do mubtalā haiñ jo kisī āzār meñ

    ab shifā-ḳhāne khuleñge husn ke bāzār meñ

    qabz ke maare hue bīmār ko kar do ḳhabar

    ek Thumrī meñ hai itrifal zamānī asar

    ab to aḳhbāroñ meñ shaa.e hoñge aise ishtihār

    jumla amrāz-e-ḳhusūsī davā tabla sitār

    jumla amrāz-e-ḳhabīsa davā-e-kārgar

    naġhma-e-sāhir ba-āvāz-e-lata-mangeshkar

    zo.af-e-me.ada hai to miss-kajjan qavvālī suno

    ḳhushk khāñsī hai to nazm-e-hazrat-e-'hālī' suno

    kyā zarūrī hai ki pechish davā ho aspaġhol

    adviya to aur bhī haiñ biin baajā band Dhol

    iḳhtilāj-e-qalb vāhid davā hai aaj kal

    'bekal-utsāhī' se suniye ai mirī jān-e-ġhazal

    is tarah nusḳha likhegā chāra-sāz-e-nabz-bīñ

    dādrā das baara Thumrī do adad ek bhairvīñ''

    sub.h-dam misl-e-shakīla mashq-e-qavvālī kunand

    ḳhāk-e-pā-e-mushtarī-bā.ī ba-vaqt-e-shab ḳhūrand

    ek muhaqqiq ne nai tahqiq farma di hai aaj

    fann-e-mausiqi se bhi mumkin hai insani ilaj

    sach hai ye dawa to ruKHsat ai atibba-e-kiram

    mustagi ko bandagi qurs-e-mullayan ko salam

    ab mudawa-e-maraz hoga nae andaz se

    ab huwashshafi ki aawaz aaegi har saz se

    ab to nauTangi hi mein hoga ilaj-e-samain

    al-firaq ai gul-banafsha alwida ai nisaplin

    namwar qawwal pure doctor ho jaenge

    sirf sazinde jo hain compaundar ho jaenge

    un dawa-KHanon pe aise board aaenge nazar

    mutrib-e-atish-nawa miss-naz lady doctor

    tharmameter ki jagah munh mein laga kar bansuri

    doctor dekhega kya haalat hai ab bimar ki

    maut bhi us shaKHs tak aate hue ghabraegi

    jis ke sar par naza mein Dafli bajai jaegi

    chunki nusKHon mein riayat hogi sirf ashaar ki

    sirf shaer ko jagah di jaegi attar ki

    paD gae majun mein kiDe KHamira saD gaya

    bu-ali-sina ki ummidon pe pani paD gaya

    hazrat-e-'ajmal' ke jadu ka asar zail hua

    aadmi 'fayyaz'-KHan ke art ka qail hua

    is ko kahte hain KHuda ki den ye hoti hai den

    ab ciwil-surgeon banega jaanashin-e-tan-sen

    ab atibba bhi nazar aaenge shahnai-ba-dast

    sharbat-e-unnab ki botal ko paigham-e-shikast

    un se kah do mubtala hain jo kisi aazar mein

    ab shifa-KHane khulenge husn ke bazar mein

    qabz ke mare hue bimar ko kar do KHabar

    ek Thumri mein hai itrifal zamani ka asar

    ab to aKHbaron mein shae honge aise ishtihaar

    jumla amraaz-e-KHususi ki dawa tabla sitar

    jumla amraaz-e-KHabisa ki dawa-e-kargar

    naghma-e-sahir ba-awaz-e-lata-mangeshkar

    zoaf-e-meada hai to miss-kajjan ki qawwali suno

    KHushk khansi hai to nazm-e-hazrat-e-'haali' suno

    kya zaruri hai ki pechish ki dawa ho aspaghol

    adwiya to aur bhi hain bin baja band Dhol

    iKHtilaj-e-qalb ki wahid dawa hai aaj kal

    'bekal-utsahi' se suniye ai meri jaan-e-ghazal

    is tarah nusKHa likhega chaara-saz-e-nabz-bin

    dadra das bara Thumri do adad ek bhairwin

    subh-dam misl-e-shakila mashq-e-qawwali kunand

    KHak-e-pa-e-mushtari-bai ba-waqt-e-shab KHurand

    Videos
    This video is playing from YouTube

    Videos
    This video is playing from YouTube

    Dilawar Figar

    Dilawar Figar

    Source:

    • Book: Kulliyat-e-Dilavar Figar (Pg. 81)
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Added to your favorites

    Removed from your favorites