nasri nazm

Aasi Rizvi

nasri nazm

Aasi Rizvi

MORE BYAasi Rizvi

    nasr abbā nazm amaañ donoñ ko inkār hai

    ye jo nasrī nazm hai ye kis paidā-vār hai

    sirf laffāzī pe mabnī hai ye tajrīdī kalām

    jis meñ anqā haiñ ma.ānī lafz parda-dār hai

    nasr hai gar nasr to vo nazm ho saktī nahīñ

    nazm jo ho nasr mānind vo be-kār hai

    qāfiye koī pābandī na hai qaid-e-radīf

    be-dar-o-dīvār ye ghar bhī kyā purkār hai

    bahr se āzād qaid-e-vazan se hai be-niyāz

    vaah kyā mother pidar āzād ye dildār hai

    martabe meñ 'mīr' o 'momin' se hai har koī buland

    in meñ har be-bahr ġhālib se baḌā fankār hai

    jis ke chamche jitne zyāda hoñ vo utnā aziim

    aaj kal misrā uThānā ek kārobār hai

    daad sirf apno ko dete haiñ giroh-andar-giroh

    un ke Tole se jo bāhar ho gayā murdār hai

    ban gayā ustād-o-allāma yahāñ har be-shu.ūr

    kor-chashm ahl-e-nazar hone dāvedār hai

    shā.irī juz-shā.irī hai hai zarā mehnat-talab

    aur mehnat vo shai hai jis se un ko aar hai

    pop-music ke liye mauzūñ hai nasrī shā.irī

    har rivāyat se baġhāvat ye dāvedār hai

    tab-e-mauzūñ gar na baḳhshī ho ḳhudā ne aap ko

    shā.irī kyuuñ kiije āḳhir kyā ḳhudā maar hai

    daad denā aisī nazmoñ ko baḌī be-dād hai

    jo na samjhā aur kahe samjhā baḌā makkār hai

    nasr abba nazm aman donon ko inkar hai

    ye jo nasri nazm hai ye kis ki paida-war hai

    sirf laffazi pe mabni hai ye tajridi kalam

    jis mein anqa hain maani lafz parda-dar hai

    nasr hai gar nasr to wo nazm ho sakti nahin

    nazm jo ho nasr ki manind wo be-kar hai

    qafiye ki koi pabandi na hai qaid-e-radif

    be-dar-o-diwar ka ye ghar bhi kya purkar hai

    bahr se aazad qaid-e-wazan se hai be-niyaz

    wah kya mother pidar aazad ye dildar hai

    martabe mein 'mir' o 'momin' se hai har koi buland

    in mein har be-bahr ghaalib se baDa fankar hai

    jis ke chamche jitne zyaada hon wo utna hi azim

    aaj kal misra uThana ek karobar hai

    dad sirf apno ko dete hain giroh-andar-giroh

    un ke Tole se jo bahar ho gaya murdar hai

    ban gaya ustad-o-allama yahan har be-shuur

    kor-chashm ahl-e-nazar hone ka dawedar hai

    shairi juz-shairi hai hai zara mehnat-talab

    aur mehnat hi wo shai hai jis se un ko aar hai

    pop-music ke liye mauzun hai nasri shairi

    har riwayat se baghawat ki ye dawedar hai

    tab-e-mauzun gar na baKHshi ho KHuda ne aap ko

    shairi kyun kije aaKHir kya KHuda ki mar hai

    dad dena aisi nazmon ko baDi be-dad hai

    jo na samjha aur kahe samjha baDa makkar hai

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY