aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

pas-e-raushni

Saghar Khayyami

pas-e-raushni

Saghar Khayyami

MORE BYSaghar Khayyami

    baḌh rahe haiñ har taraf azm o amal ke kārvāñ

    murġh anDe de rahe haiñ aur azāneñ murġhiyāñ

    maiñ kahūñ daur-e-taraqqī ise daur-e-ḳhizāñ

    aadmī be-mol hai aur parts body ke girāñ

    jo mukammal aadmī hai be-sar-o-sāmān hai

    gar yuuñ har añg ke paise baḌheñge be-shumār

    koī bhejā chor hogā koī ġhunda āñkh-mār

    shāh-rāhoñ par lageñge ek din ye ishtihār

    bhā.iyo! gurda-kaToñ se hoshiyār o hoshiyār

    is taraqqī badaulat vo zamāne ā.eñge

    chor Daaku āshiqoñ ke dil churāne ā.eñge

    kūcha-e-mahbūb meñ ab dil na pheñke jā.eñge

    TuuT jā.eñge agar TukḌe baTore jā.eñge

    jab vigoñ factory meñ baal beche jā.eñge

    sar-ghaTe mahbūb āshiq se na dekhe jā.eñge

    bik rahe haiñ market meñ aune-paune dekhnā

    ustuḳhān-e-ibn-e-ādam ke khilaune dekhnā

    jab talak itnī taraqqī se jahāñ mahrūm thā

    jo bhī luTiyā-chor thā vo sūratan māsūm thā

    jeb-katrā tak hamāre ahd māsūm thā

    aañkh itnī qīmtī hai kab use mālūm thā

    aañkh bas meñ kaaT begam divānī ho ga.iiñ

    yuuñ kyā achchhī thī sūrat us pe kaanī ho ga.iiñ

    apne apne zāviye se dekhtī hai sab aañkh

    chāhiye matlūb ko har haal meñ matlab aañkh

    Dhab rasta kab dikhātī hai kasī beDhab aañkh

    chehra-e-begam pe jaḌ maulvī-sāhab aañkh

    aañkh mullā-jī lagvā mire phūTe karam

    kuchh dinoñ se un ko mullānī nazar aate haiñ ham

    ek din begam ye bolīñ apnī nazreñ moḌ ke

    daañt sone ke lagāo saare ḳharche chhoḌ ke

    arz begam se ham ne haath apne joḌ ke

    lai ga.e Daaku ka.ī ke daañt jabḌā toḌ ke

    paḌh ke kal aḳhbār meñ begam hayā se gaḌ gayā

    ek netā-jī ke muñh meñ raat Daaka paḌ gayā

    hañs ke bolīñ ham bhī rahte haiñ isī sansār meñ

    ham ne to dekhā nahīñ biktā lahū bāzār meñ

    arz maiñ nazm kar detā huuñ vo ash.ār meñ

    is sadī ke baad jo chhāpeñge sab aḳhbār meñ

    dekh liijo jānvar sar par biThā.e jā.eñge

    aadmī khaal ke juute banā.e jā.eñge

    ek botal ḳhuuñ qīmat al-hafīz-o-al-amāñ

    lā.iye lafzeñ kahāñ se haal kiije kyā bayāñ

    kah rahā hai ahl dil se aaj bhī kachchā makāñ

    jab bikegā ḳhuun tab uTThegā chūlhe se dhuāñ

    ye vasīla bhī kamāne miTā dete haiñ log

    mandir o masjid ke āñgan meñ bahā dete haiñ log

    baDh rahe hain har taraf azm o amal ke karwan

    murgh anDe de rahe hain aur azanen murghiyan

    main kahun daur-e-taraqqi ya ise daur-e-KHizan

    aadmi be-mol hai aur parts body ke giran

    jo mukammal aadmi hai be-sar-o-saman hai

    gar yun hi har ang ke paise baDhenge be-shumar

    koi bheja chor hoga koi ghunda aankh-mar

    shah-rahon par lagenge ek din ye ishtihaar

    bhaiyo! gurda-kaTon se hoshiyar o hoshiyar

    is taraqqi ki badaulat wo zamane aaenge

    chor Daku aashiqon ke dil churane aaenge

    kucha-e-mahbub mein ab dil na phenke jaenge

    TuT jaenge agar TukDe baTore jaenge

    jab wigon ki factory mein baal beche jaenge

    sar-ghaTe mahbub aashiq se na dekhe jaenge

    bik rahe hain market mein aune-paune dekhna

    ustuKHan-e-ibn-e-adam ke khilaune dekhna

    jab talak itni taraqqi se jahan mahrum tha

    jo bhi luTiya-chor tha wo suratan masum tha

    jeb-katra tak hamare ahd ka masum tha

    aankh itni qimti hai kab use malum tha

    aankh bas mein kaT li begam diwani ho gain

    yun hi kya achchhi thi surat us pe kani ho gain

    apne apne zawiye se dekhti hai sab ki aankh

    chahiye matlub ko har haal mein matlab ki aankh

    Dhab ka rasta kab dikhati hai kasi beDhab ki aankh

    chehra-e-begam pe jaD di maulwi-sahab ki aankh

    aankh mulla-ji ki lagwa di mere phuTe karam

    kuchh dinon se un ko mullani nazar aate hain hum

    ek din begam ye bolin apni nazren moD ke

    dant sone ke lagao sare KHarche chhoD ke

    arz ki begam se hum ne hath apne joD ke

    lai gae Daku kai ke dant jabDa toD ke

    paDh ke kal aKHbar mein begam haya se gaD gaya

    ek neta-ji ke munh mein raat Daka paD gaya

    hans ke bolin hum bhi rahte hain isi sansar mein

    hum ne to dekha nahin bikta lahu bazar mein

    arz ki main nazm kar deta hun wo ashaar mein

    is sadi ke baad jo chhapenge sab aKHbar mein

    dekh lijo jaanwar sar par biThae jaenge

    aadmi ki khaal ke jute banae jaenge

    ek botal KHun ki qimat al-hafiz-o-al-aman

    laiye lafzen kahan se haal kije kya bayan

    kah raha hai ahl dil se aaj bhi kachcha makan

    jab bikega KHun tab uTThega chulhe se dhuan

    ye wasila bhi kamane ka miTa dete hain log

    mandir o masjid ke aangan mein baha dete hain log

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now