aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

shauhar ki fariyaad

Hammad Hasan

shauhar ki fariyaad

Hammad Hasan

MORE BYHammad Hasan

    ham apne kamre meñ be-monis-o-be-yār baiThe haiñ

    ki drawing-rōm meñ biivī ke rishta-dār baiThe haiñ

    yahāñ ham baiTh kar chaa.e ke ik cup ko taraste haiñ

    vahāñ sab le ke biscuit cake ke ambār baiThe haiñ

    hamārā bas chale to sab ko kuchlā khilā deñ ham

    magar qānūn se Darte haiñ aur lāchār baiThe haiñ

    na chheḌo ham ko ai biibī paḌosan ta.ane de de kar

    ''tumheñ aThkheliyāñ sūjhī haiñ ham bezār baiThe haiñ''

    mire saale ne pūchhā dūlhā bhaa.ī haiñ kahāñ baajī

    to vo bolīñ yahīñ par haiñ magar be kaar baiThe haiñ

    hamārī billī aur ham se myā.ūñ haa.e qismat

    magar ham kyā kareñ ki qaul apnā haar baiThe haiñ

    sabhī shādī-shuda haiñ ġham zada aur ab ye hālat hai

    musībat ghar meñ hai aur ḳhud saḌak ke paar baiThe haiñ

    zarā kar miyāñ hammād-hasan ko bhī tasallī do

    ki hazrat shādī kar baiThe haiñ aur be zaar baiThe haiñ

    hum apne kamre mein be-monis-o-be-yar baiThe hain

    ki drawing-room mein biwi ke rishta-dar baiThe hain

    yahan hum baiTh kar chae ke ek cup ko taraste hain

    wahan sab le ke biscuit cake ke ambar baiThe hain

    hamara bas chale to sab ko hi kuchla khila den hum

    magar qanun se Darte hain aur lachaar baiThe hain

    na chheDo hum ko ai bibi paDosan tane de de kar

    tumhen aThkheliyan sujhi hain hum bezar baiThe hain

    mere sale ne puchha dulha bhai hain kahan baji

    to wo bolin yahin par hain magar be kar baiThe hain

    hamari billi aur hum se hi myaun hae ri qismat

    magar hum kya karen ki qaul apna haar baiThe hain

    sabhi shadi-shuda hain gham zada aur ab ye haalat hai

    musibat ghar mein hai aur KHud saDak ke par baiThe hain

    zara ja kar miyan hammad-hasan ko bhi tasalli do

    ki hazrat shadi kar baiThe hain aur be zar baiThe hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now