aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

temporary job

Saghar Khayyami

temporary job

Saghar Khayyami

MORE BYSaghar Khayyami

    ban gayā huuñ maiñ minister raat ko dekhā ye ḳhvāb

    sāmne rakkhe haiñ mere toast makkhan aur sharāb

    sāmne baiThī huī hai ik hasīñ chhokarī

    kah rahī hai bā-adab huuñ aap secretory

    kaalī āñkheñ gore aariz zulf mānind-e-sahāb

    shoḳh lab vo shoḳh lahja mast āñkhoñ meñ sharāb

    sharm se bojhal vo āñkheñ lab pe halkī hañsī

    gore gore ārizoñ par zulf vo bikhrī huī

    shoḳhiyoñ se pur thā siina mastiyoñ se chuur thī

    naam secretory thī dar-haqīqat huur thī

    sāmne baiThī huī thī vo ajab andāz se

    māñgtī thī mujh se promotion nigāh-e-nāz se

    faḳhr se maiñ ne kahā ki rūh-o-jāñ detā huuñ maiñ

    rūh-o-jāñ kyā chiiz hai hindostāñ detā huuñ maiñ

    jab maiñ mahv-e-āshiqī thā aur mahv-e-dil-lagī

    be-pukāre aa gayā kamre meñ mere ardalī

    aa gayā ġhussa mujhe us nāqis-o-hanjār par

    bas baras maiñ paḌā us kāfir-o-makkār par

    kar diyā barḳhāst tum ko jaao baiTho apne ghar

    sun ke vo chakrā gayā aur rakh diyā qadmoñ pe sar

    chhoTe chhoTe mere bachche haiñ raham kiije janāb

    us ke is kahne se mere aur baḌhe kuchh pech-o-tāb

    rakh rahā hai kyuuñ ghaḌā sar hamāre pair par

    kuchh ḳhabar bhī hai tujhe bhārī hai terā kitnā sar

    s.pñ ke DāñTne se aañkh merī khul ga.ī

    ye hasīñ tasvīr-e-shāhī is tarah se dhul ga.ī

    sar uThā ke maiñ ne dekhā ho rahī thī sub.h-e-ġham

    chhaT chukā thā āsmān-e-ḳhvāb se abr-e-karam

    tajraba mujh ko huā hai dosto! is ḳhvāb se

    mustaqil chaprāsī achchhā temporary job se

    ban gaya hun main minister raat ko dekha ye KHwab

    samne rakkhe hain mere toast makkhan aur sharab

    samne baiThi hui hai ek hasin si chhokari

    kah rahi hai ba-adab hun aap ki secretory

    kali aankhen gore aariz zulf manind-e-sahab

    shoKH lab wo shoKH lahja mast aankhon mein sharab

    sharm se bojhal wo aankhen lab pe halki si hansi

    gore gore aarizon par zulf wo bikhri hui

    shoKHiyon se pur tha sina mastiyon se chur thi

    nam ki secretory thi dar-haqiqat hur thi

    samne baiThi hui thi wo ajab andaz se

    mangti thi mujh se promotion nigah-e-naz se

    faKHr se main ne kaha ki ruh-o-jaan deta hun main

    ruh-o-jaan kya chiz hai hindostan deta hun main

    jab main mahw-e-ashiqi tha aur mahw-e-dil-lagi

    be-pukare aa gaya kamre mein mere ardali

    aa gaya ghussa mujhe us naqis-o-hanjar par

    bas baras hi main paDa us kafir-o-makkar par

    kar diya barKHast tum ko jao baiTho apne ghar

    sun ke wo chakra gaya aur rakh diya qadmon pe sar

    chhoTe chhoTe mere bachche hain raham kije janab

    us ke is kahne se mere aur baDhe kuchh pech-o-tab

    rakh raha hai kyun ghaDa sa sar hamare pair par

    kuchh KHabar bhi hai tujhe bhaari hai tera kitna sar

    spn ke DanTne se aankh meri khul gai

    ye hasin taswir-e-shahi is tarah se dhul gai

    sar uTha ke main ne dekha ho rahi thi subh-e-gham

    chhaT chuka tha aasman-e-KHwab se abr-e-karam

    tajraba mujh ko hua hai dosto! is KHwab se

    mustaqil chaprasi achchha temporary job se

    Source:

    Kulliyat-e-Saghar Khayyami (Pg. 125)

    • Author: Saghar Khayyami
      • Edition: 2012
      • Publisher: Farid Book Depot (Pvt.) Ltd.
      • Year of Publication: 2012
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now