tujhe mujhse mujhko tujhse jo bahut hi pyar hota

tujhe mujh se mujh ko tujh se jo bahut hī pyaar hotā

na tujhe qarār hotā na mujhe qarār hotā

tirā har maraz ulajhtā mirī jān-e-nā-tavāñ se

jo tujhe zukām hotā to mujhe buḳhār hotā

jo maiñ tujh ko yaad kartā tujhe chīñknā bhī paḌtā

mire saath bhī yaqīnan yahī baar baar hotā

kisī chauk meñ lagāte koī chūḌiyoñ kā khokhā

tire shahr meñ bhī apnā koī kārobār hotā

ġham-o-rañj-e-āshiqāna nahīñ calculatorāna

use maiñ shumār kartā jo na be-shumār hotā

vahāñ zer-e-bahs aate ḳhat-o-ḳhāl o ḳhū-e-ḳhūbāñ

ġham-e-ishq par jo 'anvar' koī seminar hotā

tujhe mujh se mujh ko tujh se jo bahut hi pyar hota

na tujhe qarar hota na mujhe qarar hota

tera har maraz ulajhta meri jaan-e-na-tawan se

jo tujhe zukaam hota to mujhe buKHar hota

jo main tujh ko yaad karta tujhe chinkna bhi paDta

mere sath bhi yaqinan yahi bar bar hota

kisi chauk mein lagate koi chuDiyon ka khokha

tere shahr mein bhi apna koi karobar hota

gham-o-ranj-e-ashiqana nahin calculatorana

use main shumar karta jo na be-shumar hota

wahan zer-e-bahs aate KHat-o-KHal o KHu-e-KHuban

gham-e-ishq par jo 'anwar' koi seminar hota