zalil ho ke to jannat se main nahin aaya

zalīl ho ke to jannat se maiñ nahīñ aayā

ḳhudā ne bhejā hai zillat se maiñ nahīñ aayā

maiñ us ilāqa se aayā huuñ hai jo mardum-ḳhez

dilā.ī laama ke tibbat se maiñ nahīñ aayā

mushā.ira meñ sunūñ kaise sub.h tak ġhazleñ

ki ghar ko chhoḌ ke fursat se maiñ nahīñ aayā

ik aspatāl meñ aayā koī ye kahtī thī

ḳhudā kā shukr hai sūrat se maiñ nahīñ aayā

abhī hudūd-e-adālat meñ kaise dāḳhil huuñ

ki intizām-e-zamānat se maiñ nahīñ aayā

tumhāre ghar meñ maiñ kuudā zarūr huuñ lekin

visāl-osāl kī niyyat se maiñ nahīñ aayā

zalil ho ke to jannat se main nahin aaya

KHuda ne bheja hai zillat se main nahin aaya

main us ilaqa se aaya hun hai jo mardum-KHez

dilai lama ke tibbat se main nahin aaya

mushaira mein sunun kaise subh tak ghazlen

ki ghar ko chhoD ke fursat se main nahin aaya

ek aspatal mein aaya koi ye kahti thi

KHuda ka shukr hai surat se main nahin aaya

abhi hudud-e-adalat mein kaise daKHil hun

ki intizam-e-zamanat se main nahin aaya

tumhaare ghar mein main kuda zarur hun lekin

visal-osal ki niyyat se main nahin aaya