in balaon se kab rihai hai

in balāoñ se kab rihā.ī hai

ishq hai faqr hai judā.ī hai

dekhiye rafta rafta kyā hove

ham bhī chalne ko haiñ ki aa.ī hai

ustuḳhvāñ kaañp kaañp jalte haiñ

ishq ne aag ye lagā.ī hai

dil ko khīñche hai chashmak-e-anjum

aañkh ham ne kahāñ laḌā.ī hai

is sanā.e' kā is badā.e' kā

kuchh ta.ajjub nahīñ ḳhudā.ī hai

na to jazb-e-rasā na baḳht-e-rasā

kyūñke kahiye ki vaañ rasā.ī hai

hai tasanño ki us ke lab haiñ la.al

sab ne ik baat ye banā.ī hai

qaaf

kyā kahūñ ḳhashm ishq se jo mujhe

kabhū jhuñjhlāhaT aah aa.ī hai

aisā chehre pe hai nuhoñ kā ḳharāsh

jaise talvār muñh pe khaa.ī hai

maiñ na aatā thā baaġh meñ us bin

mujh ko bulbul pukār laa.ī hai

aa.ī us jang-jū kī gar shab-e-vasl

shaam se sub.h tak laḌā.ī hai

aur kuchh mashġhala nahīñ hai hameñ

gāh-o-be-gah ġhazal-sarā.ī hai

toḌ kar aa.ina na jaanā ye

ki hameñ sūrat-āshnā.ī hai

in balaon se kab rihai hai

ishq hai faqr hai judai hai

dekhiye rafta rafta kya howe

hum bhi chalne ko hain ki aai hai

ustuKHwan kanp kanp jalte hain

ishq ne aag ye lagai hai

dil ko khinche hai chashmak-e-anjum

aankh hum ne kahan laDai hai

is sanae' ka is badae' ka

kuchh tajjub nahin KHudai hai

na to jazb-e-rasa na baKHt-e-rasa

kyunke kahiye ki wan rasai hai

hai tasanno ki us ke lab hain lal

sab ne ek baat ye banai hai

qaf

kya kahun KHashm ishq se jo mujhe

kabhu jhunjhlahaT aah aai hai

aisa chehre pe hai nuhon ka KHarash

jaise talwar munh pe khai hai

main na aata tha bagh mein us bin

mujh ko bulbul pukar lai hai

aai us jang-ju ki gar shab-e-wasl

sham se subh tak laDai hai

aur kuchh mashghala nahin hai hamein

gah-o-be-gah ghazal-sarai hai

toD kar aaina na jaana ye

ki hamein surat-ashnai hai