KHwab mein to nazar jamal paDa

ḳhvāb meñ to nazar jamāl paḌā

par mire jī hī ke ḳhayāl paḌā

vo nahāne lagā to sāya-e-zulf

bahr meñ tū kahe ki jaal paḌā

maiñ ne to sar diyā par ai jallād

kis kī gardan pe ye vabāl paḌā

shaiḳh qallāsh hai jue meñ na laao

yaañ hamārā rahe hai maal paḌā

ḳhūb-rū ab nahīñ haiñ gandum-gūñ

'mīr' hindostāñ meñ kaal paḌā

KHwab mein to nazar jamal paDa

par mere ji hi ke KHayal paDa

wo nahane laga to saya-e-zulf

bahr mein tu kahe ki jal paDa

main ne to sar diya par ai jallad

kis ki gardan pe ye wabaal paDa

shaiKH qallash hai jue mein na lao

yan hamara rahe hai mal paDa

KHub-ru ab nahin hain gandum-gun

'mir' hindostan mein kal paDa