kis taur hamein koi faribinda lubha le

kis taur hameñ koī farībinda lubhā le

āḳhir haiñ tirī āñkhoñ ke ham dekhne vaale

sau zulm uThā.e to kabhū duur se dekhā

hargiz na huā ye ki hameñ paas bulā le

us shoḳh kī sar-tez palak haiñ ki vo kāñTā

gaḌ jaa.e agar aañkh meñ sar dil se nikāle

ishq un ko hai jo yaar ko apne dam-e-raftan

karte nahīñ ġhairat se ḳhudā ke bhī havāle

ve din ga.e jo zabt kī tāqat thī hameñ bhī

ab dīda-e-ḳhūñ-bār nahīñ jaate sañbhāle

ahvāl bahut tang hai ai kaash mohabbat

ab dast-e-talattuf ko mire sar se uThā le

dā'vā-e-qayāmat kā mire ḳhauf use kyā

ik lutf meñ vo mujh se tunak-rū ko manā le

kahte haiñ hijāb-e-ruḳh-e-dildār hai hastī

dekheñge agar yuuñ hai bhalā jaan bhī jā le

'mīr' us se na mil aah ki Darte haiñ mabādā

bebāk hai vo shoḳh kahīñ maar na Daale

kis taur hamein koi faribinda lubha le

aaKHir hain teri aankhon ke hum dekhne wale

sau zulm uThae to kabhu dur se dekha

hargiz na hua ye ki hamein pas bula le

us shoKH ki sar-tez palak hain ki wo kanTa

gaD jae agar aankh mein sar dil se nikale

ishq un ko hai jo yar ko apne dam-e-raftan

karte nahin ghairat se KHuda ke bhi hawale

we din gae jo zabt ki taqat thi hamein bhi

ab dida-e-KHun-bar nahin jate sanbhaale

ahwal bahut tang hai ai kash mohabbat

ab dast-e-talattuf ko mere sar se uTha le

da'wa-e-qayamat ka mere KHauf use kya

ek lutf mein wo mujh se tunak-ru ko mana le

kahte hain hijab-e-ruKH-e-dildar hai hasti

dekhenge agar yun hai bhala jaan bhi ja le

'mir' us se na mil aah ki Darte hain mabaada

bebak hai wo shoKH kahin mar na Dale