aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

tha mustaar husn se uske jo nur tha

Meer Taqi Meer

tha mustaar husn se uske jo nur tha

Meer Taqi Meer

MORE BYMeer Taqi Meer

    thā musta.ār husn se us ke jo nuur thā

    ḳhurshīd meñ bhī us zarra zuhūr thā

    hañgāma garm-kun jo dil-e-nā-subūr thā

    paidā har ek naale se shor-e-nushūr thā

    pahuñchā jo aap ko to maiñ pahuñchā ḳhudā ke ta.iiñ

    mālūm ab huā ki bahut maiñ bhī duur thā

    ātish buland dil na thī varna ai kalīm

    yak sho.ala barq-e-ḳhiraman-e-sad-koh-e-tūr thā

    majlis meñ raat ek tire partave baġhair

    kyā sham.a kyā patañg har ik be-huzūr thā

    us fasl meñ ki gul garebāñ bhī hai havā

    dīvāna ho gayā so bahut zī-shu.ūr thā

    mun.im ke paas qāqum o sanjāb thā to kyā

    us rind bhī raat guzar ga.ī jo uur thā

    ham ḳhaak meñ mile to mile lekin ai sip.har

    us shoḳh ko bhī raah pe laanā zarūr thā

    kal paañv ek kāsa-e-sar par jo aa gayā

    yaksar vo ustuḳhvān shikastoñ se chuur thā

    kahne lagā ki dekh ke chal raah be-ḳhabar

    maiñ bhī kabhū kisū sar-e-pur-ġhurūr thā

    thā vo to rashk-e-hūr-e-bahishtī hamīñ meñ 'mīr'

    samjhe na ham to fahm apnī qusūr thā

    tha mustaar husn se us ke jo nur tha

    KHurshid mein bhi us hi ka zarra zuhur tha

    hangama garm-kun jo dil-e-na-subur tha

    paida har ek nale se shor-e-nushur tha

    pahuncha jo aap ko to main pahuncha KHuda ke tain

    malum ab hua ki bahut main bhi dur tha

    aatish buland dil ki na thi warna ai kalim

    yak shoala barq-e-KHiraman-e-sad-koh-e-tur tha

    majlis mein raat ek tere partawe baghair

    kya shama kya patang har ek be-huzur tha

    us fasl mein ki gul ka gareban bhi hai hawa

    diwana ho gaya so bahut zi-shuur tha

    munim ke pas qaqum o sanjab tha to kya

    us rind ki bhi raat guzar gai jo ur tha

    hum KHak mein mile to mile lekin ai siphar

    us shoKH ko bhi rah pe lana zarur tha

    kal panw ek kasa-e-sar par jo aa gaya

    yaksar wo ustuKHwan shikaston se chur tha

    kahne laga ki dekh ke chal rah be-KHabar

    main bhi kabhu kisu ka sar-e-pur-ghurur tha

    tha wo to rashk-e-hur-e-bahishti hamin mein 'mir'

    samjhe na hum to fahm ka apni qusur tha

    Source:

    MIRIYAAT - Diwan No- 1, Ghazal No- 0001

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now