aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

ulTi ho gain sab tadbiren kuchh na dawa ne kaam kiya

Meer Taqi Meer

ulTi ho gain sab tadbiren kuchh na dawa ne kaam kiya

Meer Taqi Meer

MORE BYMeer Taqi Meer

    ulTī ho ga.iiñ sab tadbīreñ kuchh na davā ne kaam kiyā

    dekhā is bīmāri-e-dil ne āḳhir kaam tamām kiyā

    ahd-e-javānī ro ro kaaTā piirī meñ liiñ āñkheñ muuñd

    ya.anī raat bahut the jaage sub.h huī ārām kiyā

    harf nahīñ jāñ-baḳhshī meñ us ḳhūbī apnī qismat

    ham se jo pahle kah bhejā so marne paiġhām kiyā

    nāhaq ham majbūroñ par ye tohmat hai muḳhtārī

    chāhte haiñ so aap kareñ haiñ ham ko abas badnām kiyā

    saare rind aubāsh jahāñ ke tujh se sujūd meñ rahte haiñ

    bāñke TeḌhe tirchhe tīkhe sab tujh ko imaam kiyā

    sarzad ham se be-adabī to vahshat meñ bhī kam huī

    kosoñ us or ga.e par sajda har har gaam kiyā

    kis ka.aba kaisā qibla kaun haram hai kyā ehrām

    kūche ke us ke bāshindoñ ne sab ko yahīñ se salām kiyā

    shaiḳh jo hai masjid meñ nañgā raat ko thā mai-ḳhāne meñ

    jubba ḳhirqa kurtā Topī mastī meñ in.aam kiyā

    kaash ab burqa muñh se uThā de varna phir kyā hāsil hai

    aañkh muñde par un ne go dīdār ko apne aam kiyā

    yaañ ke sapīd o siyah meñ ham ko daḳhl jo hai so itnā hai

    raat ko ro ro sub.h kiyā din ko juuñ tuuñ shaam kiyā

    sub.h chaman meñ us ko kahīñ taklīf-e-havā le aa.ī thī

    ruḳh se gul ko mol liyā qāmat se sarv ġhulām kiyā

    sā.ad-e-sīmīñ donoñ us ke haath meñ kar chhoḌ diye

    bhūle us ke qaul-o-qasam par haa.e ḳhayāl-e-ḳhām kiyā

    kaam hue haiñ saare zaa.e.a har saa.at samājat se

    istiġhnā chaugunī un ne juuñ juuñ maiñ ibrām kiyā

    aise āhu-e-ram-ḳhurda vahshat khonī mushkil thī

    sehr kiyā e.ajāz kiyā jin logoñ ne tujh ko raam kiyā

    'mīr' ke dīn-o-maz.hab ko ab pūchhte kyā ho un ne to

    qashqa khīñchā dair meñ baiThā kab tark islām kiyā

    ulTi ho gain sab tadbiren kuchh na dawa ne kaam kiya

    dekha is bimari-e-dil ne aaKHir kaam tamam kiya

    ahd-e-jawani ro ro kaTa piri mein lin aankhen mund

    yani raat bahut the jage subh hui aaram kiya

    harf nahin jaan-baKHshi mein us ki KHubi apni qismat ki

    hum se jo pahle kah bheja so marne ka paigham kiya

    nahaq hum majburon par ye tohmat hai muKHtari ki

    chahte hain so aap karen hain hum ko abas badnam kiya

    sare rind aubash jahan ke tujh se sujud mein rahte hain

    banke TeDhe tirchhe tikhe sab ka tujh ko imam kiya

    sarzad hum se be-adabi to wahshat mein bhi kam hi hui

    koson us ki or gae par sajda har har gam kiya

    kis ka kaba kaisa qibla kaun haram hai kya ehram

    kuche ke us ke bashindon ne sab ko yahin se salam kiya

    shaiKH jo hai masjid mein nanga raat ko tha mai-KHane mein

    jubba KHirqa kurta Topi masti mein inam kiya

    kash ab burqa munh se uTha de warna phir kya hasil hai

    aankh munde par un ne go didar ko apne aam kiya

    yan ke sapid o siyah mein hum ko daKHl jo hai so itna hai

    raat ko ro ro subh kiya ya din ko jun tun sham kiya

    subh chaman mein us ko kahin taklif-e-hawa le aai thi

    ruKH se gul ko mol liya qamat se sarw ghulam kiya

    saad-e-simin donon us ke hath mein la kar chhoD diye

    bhule us ke qaul-o-qasam par hae KHayal-e-KHam kiya

    kaam hue hain sare zaea har saat ki samajat se

    istighna ki chauguni un ne jun jun main ibram kiya

    aise aahu-e-ram-KHurda ki wahshat khoni mushkil thi

    sehr kiya eajaz kiya jin logon ne tujh ko ram kiya

    'mir' ke din-o-mazhab ko ab puchhte kya ho un ne to

    qashqa khincha dair mein baiTha kab ka tark islam kiya

    Source:

    MIRIYAAT - Diwan No- 1, Ghazal No- 0007

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now