aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

jis sar ko ghurur aaj hai yan taj-wari ka

Meer Taqi Meer

jis sar ko ghurur aaj hai yan taj-wari ka

Meer Taqi Meer

MORE BYMeer Taqi Meer

    jis sar ko ġhurūr aaj hai yaañ tāj-varī

    kal us pe yahīñ shor hai phir nauhagarī

    sharminda tire ruḳh se hai ruḳhsār parī

    chaltā nahīñ kuchh aage tire kabk-e-darī

    āfāq manzil se gayā kaun salāmat

    asbāb luTā raah meñ yaañ har safarī

    zindāñ meñ bhī shorish na ga.ī apne junūñ

    ab sañg mudāvā hai is āshufta-sarī

    har zaḳhm-e-jigar dāvar-e-mahshar se hamārā

    insāf-talab hai tirī bedād-garī

    apnī to jahāñ aañkh laḌī phir vahīñ dekho

    ā.īne ko lapkā hai pareshāñ-nazarī

    sad mausam-e-gul ham ko tah-e-bāl guzre

    maqdūr na dekhā kabhū be-bāl-o-parī

    is rañg se jhamke hai palak par ki kahe

    TukḌā hai mirā ashk aqīq-e-jigarī

    kal sair kiyā ham ne samundar ko bhī kar

    thā dast-e-nigar panja-e-mizhgāñ tarī

    le saañs bhī āhista ki nāzuk hai bahut kaam

    āfāq is kārgah-e-shīshagarī

    Tuk 'mīr'-e-jigar-soḳhta jald ḳhabar le

    kyā yaar bharosā hai charāġh-e-saharī

    jis sar ko ghurur aaj hai yan taj-wari ka

    kal us pe yahin shor hai phir nauhagari ka

    sharminda tere ruKH se hai ruKHsar pari ka

    chalta nahin kuchh aage tere kabk-e-dari ka

    aafaq ki manzil se gaya kaun salamat

    asbab luTa rah mein yan har safari ka

    zindan mein bhi shorish na gai apne junun ki

    ab sang mudawa hai is aashufta-sari ka

    har zaKHm-e-jigar dawar-e-mahshar se hamara

    insaf-talab hai teri bedad-gari ka

    apni to jahan aankh laDi phir wahin dekho

    aaine ko lapka hai pareshan-nazari ka

    sad mausam-e-gul hum ko tah-e-baal hi guzre

    maqdur na dekha kabhu be-baal-o-pari ka

    is rang se jhamke hai palak par ki kahe tu

    TukDa hai mera ashk aqiq-e-jigari ka

    kal sair kiya hum ne samundar ko bhi ja kar

    tha dast-e-nigar panja-e-mizhgan ki tari ka

    le sans bhi aahista ki nazuk hai bahut kaam

    aafaq ki is kargah-e-shishagari ka

    Tuk 'mir'-e-jigar-soKHta ki jald KHabar le

    kya yar bharosa hai charagh-e-sahari ka

    Source:

    MIRIYAAT - Diwan No- 1, Ghazal No- 0011

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now