KHwah mujhse laD gaya ab KHwah mujhse mil gaya

ḳhvāh mujh se laḌ gayā ab ḳhvāh mujh se mil gayā

kyā kahūñ ai ham-nashīñ maiñ tujh se hāsil dil gayā

apne hī dil ko na ho vāshud to kyā hāsil nasīm

go chaman meñ ġhuncha-e-pazhmurda tujh se khil gayā

dil se āñkhoñ meñ lahū aatā hai shāyad raat ko

kashmakash meñ be-qarārī kī ye phoḌā chhil gayā

qais kā kyā kyā gayā ūdhar dil-o-dīñ hosh-o-sabr

jis taraf sahrā se lailā kā chalā mahmil gayā

rashk kī jāgah hai marg us kushta-e-hasrat kī 'mīr'

na.ash ke hamrāh jis kī gor tak qātil gayā

KHwah mujh se laD gaya ab KHwah mujh se mil gaya

kya kahun ai ham-nashin main tujh se hasil dil gaya

apne hi dil ko na ho washud to kya hasil nasim

go chaman mein ghuncha-e-pazhmurda tujh se khil gaya

dil se aankhon mein lahu aata hai shayad raat ko

kashmakash mein be-qarari ki ye phoDa chhil gaya

qais ka kya kya gaya udhar dil-o-din hosh-o-sabr

jis taraf sahra se laila ka chala mahmil gaya

rashk ki jagah hai marg us kushta-e-hasrat ki 'mir'

nash ke hamrah jis ki gor tak qatil gaya