dukh ab firaq ka humse saha nahin jata
dukh ab firāq kā ham se sahā nahīñ jaatā
phir us pe zulm ye hai kuchh kahā nahīñ jaatā
huī hai itnī tire aks-e-zulf kī hairāñ
ki mauj-e-bahr se mutlaq bahā nahīñ jaatā
nahīñ guzartī ghaḌī koī mujh ḳharāb par aah
ki jis meñ ġham se tire jī Dhahā nahīñ jaatā
sitam kuchh aaj galī meñ tirī nahīñ mujh par
kab aa ke ḳhuun meñ maiñ yaañ nahā nahīñ jaatā
ḳharāb mujh ko kiyā iztirāb-e-dil ne 'mīr'
ki Tuk bhī is kane us bin rahā nahīñ jaatā
dukh ab firaq ka hum se saha nahin jata
phir us pe zulm ye hai kuchh kaha nahin jata
hui hai itni tere aks-e-zulf ki hairan
ki mauj-e-bahr se mutlaq baha nahin jata
nahin guzarti ghaDi koi mujh KHarab par aah
ki jis mein gham se tere ji Dhaha nahin jata
sitam kuchh aaj gali mein teri nahin mujh par
kab aa ke KHun mein main yan naha nahin jata
KHarab mujh ko kiya iztirab-e-dil ne 'mir'
ki Tuk bhi is kane us bin raha nahin jata
Source:
MIRIYAAT - Diwan No- 1, Ghazal No- 0061
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.