gul mein uski si jo bu aai to aaya na gaya
gul meñ us kī sī jo bū aa.ī to aaya na gayā
ham ko bin dosh-e-havā baaġh se laayā na gayā
aah jo niklī mire muñh se to aflāk ke paas
us ke āshob ke ohde se bar aaya na gayā
gul ne har-chand kahā baaġh meñ rah par us bin
jī jo uchTā to kisū tarah lagāyā na gayā
sar-nashīn-e-rah-e-mai-ḳhāna huuñ maiñ kyā jānūñ
rasm-e-masjid ke ta.iiñ shaiḳh ki aaya na gayā
haif ve jin ke vo us vaqt maiñ pahuñchā jis vaqt
un kane haal ishāroñ se batāyā na gayā
muntazir us ke karaḳht ho ga.e baiThe baiThe
jis ke murde ko uThāyā so liTāyā na gayā
ḳhatar-e-rāh-e-mohabbat kahīñ juuñ harf miTe
jis se is tarf ko qāsid bhī chalāyā na gayā
ḳhauf-e-āshob se ġhauġhā-e-qayāmat ke liye
ḳhūn-e-ḳhvābīda-e-ushshāq jagāyā na gayā
'mīr' mat uzr garebāñ ke phaTe rahne kā kar
zaḳhm-e-dil chāk-e-jigar thā ki silāyā na gayā
gul mein us ki si jo bu aai to aaya na gaya
hum ko bin dosh-e-hawa bagh se laya na gaya
aah jo nikli mere munh se to aflak ke pas
us ke aashob ke ohde se bar aaya na gaya
gul ne har-chand kaha bagh mein rah par us bin
ji jo uchTa to kisu tarah lagaya na gaya
sar-nashin-e-rah-e-mai-KHana hun main kya jaanun
rasm-e-masjid ke tain shaiKH ki aaya na gaya
haif we jin ke wo us waqt main pahuncha jis waqt
un kane haal ishaaron se bataya na gaya
muntazir us ke karaKHt ho gae baiThe baiThe
jis ke murde ko uThaya so liTaya na gaya
KHatar-e-rah-e-mohabbat kahin jun harf miTe
jis se is tarf ko qasid bhi chalaya na gaya
KHauf-e-ashob se ghaugha-e-qayamat ke liye
KHun-e-KHwabida-e-ushshaq jagaya na gaya
'mir' mat uzr gareban ke phaTe rahne ka kar
zaKHm-e-dil chaak-e-jigar tha ki silaya na gaya
Source:
MIRIYAAT - Diwan No- 1, Ghazal No- 0067
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.