rona Tuk ek thama to gham-e-bekaran saha

ronā Tuk ik thamā to ġham-e-bekarāñ sahā

das din rahe jahān meñ ham so rahā dahā

pahlū meñ ik girah sī tah-e-ḳhāk saath hai

shāyad ki mar ga.e pe bhī ḳhātir meñ kuchh rahā

āñkhoñ ne rāzdārī mohabbat kī ḳhuub kī

aañsū jo aate aate rahe to lahū bahā

aa.e the ik umiid pe terī galī meñ ham

so aah is tarah se chale lohū meñ nahā

kis kis tarah se 'mīr' ne kaaTā hai umr ko

ab āḳhir āḳhir aan ke ye reḳhta kahā

rona Tuk ek thama to gham-e-bekaran saha

das din rahe jahan mein hum so raha daha

pahlu mein ek girah si tah-e-KHak sath hai

shayad ki mar gae pe bhi KHatir mein kuchh raha

aankhon ne raazdari mohabbat ki KHub ki

aansu jo aate aate rahe to lahu baha

aae the ek umid pe teri gali mein hum

so aah is tarah se chale lohu mein naha

kis kis tarah se 'mir' ne kaTa hai umr ko

ab aaKHir aaKHir aan ke ye reKHta kaha