kal shab-e-hijran thi lab par nala bimarana tha

kal shab-e-hijrāñ thī lab par naala bīmārāna thā

shaam se tā sub.h dam-e-bālīñ pe sar yakjā na thā

shohra-e-ālam use yumn-e-mohabbat ne kiyā

varna majnūñ ek ḳhaak uftāda-e-vīrāna thā

manzil us mah kī rahā jo muddatoñ ai ham-nashīñ

ab vo dil goyā ki ik muddat kā mātam-ḳhāna thā

ik nigāh-e-āshnā ko bhī vafā kartā nahīñ

vā huiiñ mizhgāñ ki sabza sabza-e-begāna thā

roz o shab guzre hai pech-o-tāb meñ rahte tujhe

ai dil-e-sad-chāk kis kī zulf kā tū shāna thā

yaad ayyāme ki apne roz o shab kī jā-e-bāsh

yā dar-e-bāz-e-bayābāñ yā dar-e-mai-ḳhāna thā

jis ko dekhā ham ne is vahshat-kade meñ dahr ke

yā siḌī yā ḳhabtī yā majnūn yā dīvāna thā

baad ḳhūñ-rezī ke muddat be-hinā rañgīñ rahā

haath us kā jo mire lohū meñ gustāḳhāna thā

ġhair ke kahne se maarā un ne ham ko be-gunāh

ye na samjhā vo ki vaaqe meñ bhī kuchh thā yā na thā

sub.h hote vo binā-gosh aaj yaad aayā mujhe

jo girā dāman pe aañsū gauhar-e-yak-dāna thā

shab faroġh-e-bazm kā baa.is huā thā husn-e-dost

sham.a kā jalva ġhubār-e-dīda-e-parvāna thā

raat us kī chashm-e-maigūñ ḳhvāb meñ dekhī thī maiñ

sub.h sote se uThā to sāmne paimāna thā

rahm kuchh paidā kiyā shāyad ki us be-rahm ne

gosh us kā shab idhar tā āḳhir-e-afsāna thā

'mīr' bhī kyā mast tāfeh thā sharāb-e-ishq kā

lab pe āshiq ke hamesha nāra-e-mastāna thā

kal shab-e-hijran thi lab par nala bimarana tha

sham se ta subh dam-e-baalin pe sar yakja na tha

shohra-e-alam use yumn-e-mohabbat ne kiya

warna majnun ek KHak uftada-e-virana tha

manzil us mah ki raha jo muddaton ai ham-nashin

ab wo dil goya ki ek muddat ka matam-KHana tha

ek nigah-e-ashna ko bhi wafa karta nahin

wa huin mizhgan ki sabza sabza-e-begana tha

roz o shab guzre hai pech-o-tab mein rahte tujhe

ai dil-e-sad-chaak kis ki zulf ka tu shana tha

yaad ayyame ki apne roz o shab ki ja-e-bash

ya dar-e-baz-e-bayaban ya dar-e-mai-KHana tha

jis ko dekha hum ne is wahshat-kade mein dahr ke

ya siDi ya KHabti ya majnun ya diwana tha

baad KHun-rezi ke muddat be-hina rangin raha

hath us ka jo mere lohu mein gustaKHana tha

ghair ke kahne se mara un ne hum ko be-gunah

ye na samjha wo ki waqe mein bhi kuchh tha ya na tha

subh hote wo bina-gosh aaj yaad aaya mujhe

jo gira daman pe aansu gauhar-e-yak-dana tha

shab farogh-e-bazm ka bais hua tha husn-e-dost

shama ka jalwa ghubar-e-dida-e-parwana tha

raat us ki chashm-e-maigun KHwab mein dekhi thi main

subh sote se uTha to samne paimana tha

rahm kuchh paida kiya shayad ki us be-rahm ne

gosh us ka shab idhar ta aaKHir-e-afsana tha

'mir' bhi kya mast tafeh tha sharab-e-ishq ka

lab pe aashiq ke hamesha nara-e-mastana tha