us chehre ki KHubi se abas gul ko jataya
us chehre kī ḳhūbī se 'abas gul ko jatāyā
ye kaun shagūfa sā chaman-zār meñ laayā
vo ā.ina-ruḳhsār dam-e-bāz-pas aaya
jab his na rahā ham ko to dīdār dikhāyā
kuchh maah meñ us meñ na tafāvut huā zāhir
sau baar nikālā use aur us ko chhupāyā
ik 'umr mujhe ḳhaak meñ milte hue guzrī
kūche meñ tire aan ke lohū meñ nahāyā
samjhā tū mujhe marg ke nazdīk pas-az-der
rahmat hai mire yaar bahut duur se aaya
ye baaġh rahā ham se vale jā na sake ham
be-bāl-o-parī ne bhī hameñ ḳhuub uḌāyā
maiñ said-e-ramīda huuñ bayābān-e-junūñ kā
rahtā hai mirā mūjib-e-vahshat mirā saayā
yā qāfla-dar-qāfla in rastoñ meñ the log
yā aise ga.e yaañ se ki phir khoj na paayā
rū maiñ ne rakhā hai dar-e-tarsā-bachagāñ par
rakhiyo tū mirī sharm buḌhāpe meñ ḳhudāyā
Taalā nahīñ kuchh mujh ko patang aaj uḌāte
bahutoñ ke ta.iiñ baav kā ruḳh un ne batāyā
aise but-e-be-mehr se miltā hai koī bhī
dil 'mīr' ko bhārī thā jo patthar se lagāyā
us chehre ki KHubi se 'abas gul ko jataya
ye kaun shagufa sa chaman-zar mein laya
wo aaina-ruKHsar dam-e-baz-pas aaya
jab his na raha hum ko to didar dikhaya
kuchh mah mein us mein na tafawut hua zahir
sau bar nikala use aur us ko chhupaya
ek 'umr mujhe KHak mein milte hue guzri
kuche mein tere aan ke lohu mein nahaya
samjha tu mujhe marg ke nazdik pas-az-der
rahmat hai mere yar bahut dur se aaya
ye bagh raha hum se wale ja na sake hum
be-baal-o-pari ne bhi hamein KHub uDaya
main said-e-ramida hun bayaban-e-junun ka
rahta hai mera mujib-e-wahshat mera saya
ya qafla-dar-qafla in raston mein the log
ya aise gae yan se ki phir khoj na paya
ru main ne rakha hai dar-e-tarsa-bachagan par
rakhiyo tu meri sharm buDhape mein KHudaya
Tala nahin kuchh mujh ko patang aaj uDate
bahuton ke tain baw ka ruKH un ne bataya
aise but-e-be-mehr se milta hai koi bhi
dil 'mir' ko bhaari tha jo patthar se lagaya
Source:
MIRIYAAT - Diwan No- 1, Ghazal No- 0106
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.