KHat munh pe aae jaanan KHubi pe jaan dega
ḳhat muñh pe aa.e jānāñ ḳhūbī pe jaan degā
nā-chār āshiqoñ ko ruḳhsat ke paan degā
saare ra.iis a.azā haiñ ma'riz-e-talaf meñ
ye ishq-e-be-muhābā kis ko amaan degā
pā-e-pur-ābla se maiñ gum-shuda gayā huuñ
har ḳhaar bādiye kā merā nishān degā
daaġh aur siine meñ kuchh bigḌī hai ishq dekheñ
dil ko jigar ko kis ko ab darmiyān degā
naala hamārā har shab guzre hai āsmāñ se
fariyād par hamārī kis din tū kaan degā
mat raġhm se hamāre pyāre hinā lagāo
pā-bos par tumhāre sar sau javān degā
ho jo nishāna us kā ai bul-havas samajh kar
tīroñ ke maare saare siine ko chhān degā
us barhaman-pisar ke qashqe pe marte haiñ ham
Tuk degā rū to goyā jī ham ko daan degā
ghar chashm kā Dubo mat dil ke ga.e pe ro ro
kyā 'mīr' haath se tū ye bhī makān degā
KHat munh pe aae jaanan KHubi pe jaan dega
na-chaar aashiqon ko ruKHsat ke pan dega
sare rais aaza hain ma'riz-e-talaf mein
ye ishq-e-be-muhaba kis ko aman dega
pa-e-pur-abla se main gum-shuda gaya hun
har KHar baadiye ka mera nishan dega
dagh aur sine mein kuchh bigDi hai ishq dekhen
dil ko jigar ko kis ko ab darmiyan dega
nala hamara har shab guzre hai aasman se
fariyaad par hamari kis din tu kan dega
mat raghm se hamare pyare hina lagao
pa-bos par tumhaare sar sau jawan dega
ho jo nishana us ka ai bul-hawas samajh kar
tiron ke mare sare sine ko chhan dega
us barhaman-pisar ke qashqe pe marte hain hum
Tuk dega ru to goya ji hum ko dan dega
ghar chashm ka Dubo mat dil ke gae pe ro ro
kya 'mir' hath se tu ye bhi makan dega
Source:
MIRIYAAT - Diwan No- 1, Ghazal No- 0111
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.