tujhse har aan mere pas ka aana hi gaya

tujh se har aan mire paas kā aanā hī gayā

kyā gila kiije ġharaz ab vo zamāna hī gayā

chashm bin ashk huī yā na huī yaksāñ hai

ḳhaak meñ jab vo milā motī kā daana hī gayā

barr-e-majnūñ meñ ḳhird-mand koī jā na sakā

āqibat sar ko qadam kar ye divāna hī gayā

ham asīroñ ko bhalā kyā jo bahār aa.ī nasīm

umr guzrī ki vo gulzār kā jaanā hī gayā

jī gayā 'mīr' kā is lait-o-la.al meñ lekin

na gayā zulm hī terā na bahāna hī gayā

tujh se har aan mere pas ka aana hi gaya

kya gila kije gharaz ab wo zamana hi gaya

chashm bin ashk hui ya na hui yaksan hai

KHak mein jab wo mila moti ka dana hi gaya

barr-e-majnun mein KHird-mand koi ja na saka

aaqibat sar ko qadam kar ye diwana hi gaya

hum asiron ko bhala kya jo bahaar aai nasim

umr guzri ki wo gulzar ka jaana hi gaya

ji gaya 'mir' ka is lait-o-lal mein lekin

na gaya zulm hi tera na bahana hi gaya