barha wadon ki raaten aaiyan
bārhā va.adoñ kī rāteñ ā.iyāñ
tāle.oñ ne sub.h kar dikhlā.iyāñ
ishq meñ īzā.eñ sab se pā.iyāñ
rah ga.e aañsū to āñkheñ ā.iyāñ
zill-e-haq ham ko bhī vūhīñ chāhiye
juuñ hamārī hotī haiñ parchhā.iyāñ
us mizha barham-zada ne bārhā
āshiqoñ meñ barchhiyāñ chalvā.iyāñ
naunihāl aage tire haiñ jaisī hoñ
Dāliyāñ TuuTī huiiñ murjhā.iyāñ
ek bhī chashmak na us mah kī sī kī
āñkheñ tāroñ ne bahut jhamkā.iyāñ
ek ne sūrat na pakḌī pesh-e-yār
dil meñ shakleñ saiñkaḌoñ Thahrā.iyāñ
rūyat apnī us galī meñ kam nahīñ
har jagah har baar māreñ khā.iyāñ
bosa lene kā kiyā jis dam savāl
un ne bāteñ hī hameñ batlā.iyāñ
rū-kashī ko us kī muñh bhī chāhiye
maah ke chehre pe haiñ sab jhā.iyāñ
muztarib ho kar kiyā sab meñ subuk
dil ne āḳhir ḳhiffateñ dilvā.iyāñ
chal chaman meñ ye bhī hai koī ravish
naaz taake chand be-parvā.iyāñ
shauq-e-qāmat meñ tire ai naunihāl
gul kī shāḳheñ letī haiñ añgḌā.iyāñ
paas mujh ko bhī nahīñ hai 'mīr' ab
duur pahuñchī haiñ mirī rusvā.iyāñ
barha wadon ki raaten aaiyan
taleon ne subh kar dikhlaiyan
ishq mein izaen sab se paiyan
rah gae aansu to aankhen aaiyan
zill-e-haq hum ko bhi wuhin chahiye
jun hamari hoti hain parchhaiyan
us mizha barham-zada ne barha
aashiqon mein barchhiyan chalwaiyan
naunihaal aage tere hain jaisi hon
Daliyan TuTi huin murjhaiyan
ek bhi chashmak na us mah ki si ki
aankhen taron ne bahut jhamkaiyan
ek ne surat na pakDi pesh-e-yar
dil mein shaklen sainkaDon Thahraiyan
ruyat apni us gali mein kam nahin
har jagah har bar maren khaiyan
bosa lene ka kiya jis dam sawal
un ne baaten hi hamein batlaiyan
ru-kashi ko us ki munh bhi chahiye
mah ke chehre pe hain sab jhaiyan
muztarib ho kar kiya sab mein subuk
dil ne aaKHir KHiffaten dilwaiyan
chal chaman mein ye bhi hai koi rawish
naz take chand be-parwaiyan
shauq-e-qamat mein tere ai naunihaal
gul ki shaKHen leti hain angDaiyan
pas mujh ko bhi nahin hai 'mir' ab
dur pahunchi hain meri ruswaiyan
Source:
MIRIYAAT - Diwan No- 1, Ghazal No- 0319
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.