dil fart-e-iztirab se simab sa hua
dil fart-e-iztirāb se sīmāb sā huā
chehra tamām zard zar-e-nāb sā huā
shāyad jigar gudāḳhta yak-laḳht ho gayā
kuchh āb-dīda raat se ḳhūnāb sā huā
ve din ga.e ki ashk se chhiḌkāv sā kiyā
ab rone lag ga.e haiñ to tālāb sā huā
ik din kiyā thā yaar ne qad naaz se buland
ḳhajlat se sarv-e-jū-e-chaman aab sā huā
kyā aur koī ro.e ki ab josh-e-ashk se
halqa hamārī chashm kā girdāb sā huā
qissa to muḳhtasar thā vale tuul ko khiñchā
ījāz dil ke shauq se itnāb sā huā
ammāma hai mo.azzin-e-masjid ki bār-e-ḳhar
qad to tirā ḳhamīda ho mehrāb sā huā
baat ab to sun ki jā-e-suḳhan husn meñ huī
ḳhat pusht-e-lab kā sabza-e-sairāb sā huā
chal baaġh meñ bhī sote se uTh kar kabhū ki gul
tak tak ke raah dīda-e-be-ḳhvāb sā huā
samjhe the ham to 'mīr' ko āshiq usī ghaḌī
jab sun ke terā naam vo betāb sā huā
dil fart-e-iztirab se simab sa hua
chehra tamam zard zar-e-nab sa hua
shayad jigar gudaKHta yak-laKHt ho gaya
kuchh aab-dida raat se KHunab sa hua
we din gae ki ashk se chhiDkaw sa kiya
ab rone lag gae hain to talab sa hua
ek din kiya tha yar ne qad naz se buland
KHajlat se sarw-e-ju-e-chaman aab sa hua
kya aur koi roe ki ab josh-e-ashk se
halqa hamari chashm ka girdab sa hua
qissa to muKHtasar tha wale tul ko khincha
ijaz dil ke shauq se itnab sa hua
ammama hai moazzin-e-masjid ki bar-e-KHar
qad to tera KHamida ho mehrab sa hua
baat ab to sun ki ja-e-suKHan husn mein hui
KHat pusht-e-lab ka sabza-e-sairab sa hua
chal bagh mein bhi sote se uTh kar kabhu ki gul
tak tak ke rah dida-e-be-KHwab sa hua
samjhe the hum to 'mir' ko aashiq usi ghaDi
jab sun ke tera nam wo betab sa hua
Source:
MIRIYAAT - Diwan No- 2, Ghazal No- 0680
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.