kaun kahta hai munh ko kholo tum

kaun kahtā hai muñh ko kholo tum

kāshke parde hī meñ bolo tum

hukm-e-āb-e-ravāñ rakhe hai husn

bahte dariyā meñ haath dho lo tum

kyā sarāheñ ham apnī jins ko lek

dil ajab hai matā.a jo lo tum

jaanā aaya hai ab jahāñ se hameñ

thoḌī to duur saath ho lo tum

jab mayassar ho bosa us lab kā

chupke hī ho raho na bolo tum

panja marjāñ kā phir dharā hī rahe

haath ḳhuuñ meñ mire Dubo lo tum

dast de hai kise palak sī mail

dil jahāñ paao ab piro lo tum

aate haiñ muttasil chale aañsū

aah kab tak ye motī rolo tum

raat guzrī hai sab taḌapte 'mīr'

aañkh lag jaa.e Tuk to so lo tum

kaun kahta hai munh ko kholo tum

kashke parde hi mein bolo tum

hukm-e-ab-e-rawan rakhe hai husn

bahte dariya mein hath dho lo tum

kya sarahen hum apni jins ko lek

dil ajab hai mataa jo lo tum

jaana aaya hai ab jahan se hamein

thoDi to dur sath ho lo tum

jab mayassar ho bosa us lab ka

chupke hi ho raho na bolo tum

panja marjaan ka phir dhara hi rahe

hath KHun mein mere Dubo lo tum

dast de hai kise palak si mail

dil jahan pao ab piro lo tum

aate hain muttasil chale aansu

aah kab tak ye moti rolo tum

raat guzri hai sab taDapte 'mir'

aankh lag jae Tuk to so lo tum