aap us jins ke hain hum bhi KHaridaron mein
aap us jins ke haiñ ham bhī ḳharīdāroñ meñ
pagḌī jaame bike jis ke liye bāzāroñ meñ
bāġh-e-firdaus kā hai rashk vo kūcha lekin
aadmī ek nahīñ us ke havā-dāroñ meñ
ek ke bhī vo bure haal meñ aaya na kabhū
log achchhe the bahut yaar ke bīmāroñ meñ
dostī kis se huī aañkh kahāñ jā ke laḌī
dushmanī aa.ī jise dekhte hī yāroñ meñ
haa.e re haath jahāñ choT paḌī do hī kiyā
al-ġharaz ek hai vo shoḳh sitamgāroñ meñ
kashmakash jis ke liye ye hai shumār-e-dam ye
un ne ham ko na ginā apne giraftāroñ meñ
kaisī kaisī hai anāsir meñ bhī sūrat-bāzī
sho.abde lākhoñ tarah ke haiñ inhīñ chāroñ meñ
mushfiqo haath mire bāñdho ki ab ke har dam
jā ulajhte haiñ garebān ke do tāroñ meñ
hasb-e-qismat sabhoñ ne khaa.e tirī teġh ke zaḳhm
nā-kas ik nikle hamīñ ḳhuuñ ke sazā-vāroñ meñ
iztirāb-o-qalaq-o-zo.af haiñ gar 'mīr' yahī
zindagī ho chukī to apnī in āzāroñ meñ
aap us jins ke hain hum bhi KHaridaron mein
pagDi jame bike jis ke liye bazaron mein
bagh-e-firdaus ka hai rashk wo kucha lekin
aadmi ek nahin us ke hawa-daron mein
ek ke bhi wo bure haal mein aaya na kabhu
log achchhe the bahut yar ke bimaron mein
dosti kis se hui aankh kahan ja ke laDi
dushmani aai jise dekhte hi yaron mein
hae re hath jahan choT paDi do hi kiya
al-gharaz ek hai wo shoKH sitamgaron mein
kashmakash jis ke liye ye hai shumar-e-dam ye
un ne hum ko na gina apne giraftaron mein
kaisi kaisi hai anasir mein bhi surat-bazi
shoabde lakhon tarah ke hain inhin chaaron mein
mushfiqo hath mere bandho ki ab ke har dam
ja ulajhte hain gareban ke do taron mein
hasb-e-qismat sabhon ne khae teri tegh ke zaKHm
na-kas ek nikle hamin KHun ke saza-waron mein
iztirab-o-qalaq-o-zoaf hain gar 'mir' yahi
zindagi ho chuki to apni in aazaron mein
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.