aa Tuk shitab jate hain warna jahan se hum
aa Tuk shitāb jaate haiñ varna jahāñ se ham
kuchh ho rahe haiñ ġham meñ tire nīm-jāñ se ham
har baat ke javāb meñ gaalī kahāñ talak
ab jāñ-ba-lab hue haiñ tumhārī zabāñ se ham
va.ada karo to soch lo muddat ko dil meñ bhī
ye haal hai to der raheñge kahāñ se ham
uljhāv dil kā jis se hai jhuñjhlā ke us baġhair
jhagḌā kiyā kareñ haiñ zamīn āsmāñ se ham
lāveñ hamārī ḳhaak par us kīna-var ko bhī
ye kah mareñge apne har ik mehrbāñ se ham
darbān-e-sang-dil ne ḳhabar vaañ talak na kī
sar maar maar sub.h kī us āstāñ se ham
jab us kī teġh rakhne lagā apne paas 'mīr'
ummīd qat.a kī thī tabhī us javāñ se ham
aa Tuk shitab jate hain warna jahan se hum
kuchh ho rahe hain gham mein tere nim-jaan se hum
har baat ke jawab mein gali kahan talak
ab jaan-ba-lab hue hain tumhaari zaban se hum
wada karo to soch lo muddat ko dil mein bhi
ye haal hai to der rahenge kahan se hum
uljhaw dil ka jis se hai jhunjhla ke us baghair
jhagDa kiya karen hain zamin aasman se hum
lawen hamari KHak par us kina-war ko bhi
ye kah marenge apne har ek mehrban se hum
darban-e-sang-dil ne KHabar wan talak na ki
sar mar mar subh ki us aastan se hum
jab us ki tegh rakhne laga apne pas 'mir'
ummid qata ki thi tabhi us jawan se hum
Source:
MIRIYAAT - Diwan No- 3, Ghazal No- 1171
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.