dushmanon ke ru-ba-ru dushnam hai

dushmanoñ ke rū-ba-rū dushnām hai

ye bhī koī lutf-e-be-hangām hai

mahv-e-zulf-e-yār hai aalam tamām

husn kā bhī shohrā josh-e-shām hai

ishq kī hai raah kyā mushkil-guzar

sar kā jaanā jis meñ har ik gaam hai

gar kahā nākām milne ko kabhī

to ye kahtā hai ki mujh ko kaam hai

roz-o-shab phirtā huuñ us kūche ke gird

kyā kahūñ kyā gardish-e-ayyām hai

chain din ko hai na shab ko ḳhvāb Tuk

us kī duurī meñ kise ārām hai

bazm meñ pūchhā to yuuñ anjān ho

'mīr' in logoñ meñ kis kā naam hai

dushmanon ke ru-ba-ru dushnam hai

ye bhi koi lutf-e-be-hangam hai

mahw-e-zulf-e-yar hai aalam tamam

husn ka bhi shohra josh-e-sham hai

ishq ki hai rah kya mushkil-guzar

sar ka jaana jis mein har ek gam hai

gar kaha nakaam milne ko kabhi

to ye kahta hai ki mujh ko kaam hai

roz-o-shab phirta hun us kuche ke gird

kya kahun kya gardish-e-ayyam hai

chain din ko hai na shab ko KHwab Tuk

us ki duri mein kise aaram hai

bazm mein puchha to yun anjaan ho

'mir' in logon mein kis ka nam hai