tere bande hum hain KHuda jaanta hai
tire bande ham haiñ ḳhudā jāntā hai
ḳhudā jaane to ham ko kyā jāntā hai
nahīñ ishq kā dard lazzat se ḳhālī
jise zauq hai vo maza jāntā hai
hamesha dil apnā jo bejā hai us bin
mire qatl ko vo bajā jāntā hai
gahe zer-e-burqa.a gahe gesuoñ meñ
ġharaz ḳhuub vo muñh chhupā jāntā hai
mujhe jaane hai aap sā hī farebī
duā ko bhī merī daġhā jāntā hai
jafā us pe kartā hai had se ziyāda
jinheñ yaar ahl-e-vafā jāntā hai
lagā le hai jhumke dikhā kar usī ko
jise muġhbacha pārsā jāntā hai
use jab na tab ham ne bigḌā hī paayā
yahī achchhe muñh ko banā jāntā hai
bilā-shor-añgez hai chaal us kī
isī tarz ko ḳhushnumā jāntā hai
na garmī jalātī thī aisī na sardī
mujhe yaar jaisā jalā jāntā hai
yahī hai sazā chāhne kī hamāre
hameñ kushta-ḳhūñ ke sazā jāntā hai
mire dil meñ rahtā hai tū hī tabhī to
jo kuchh dil kā hai mudda.ā jāntā hai
parī us ke saa.e ko bhī lag sake na
vo is jins ko kyā balā jāntā hai
jahāñ 'mīr' āshiq huā ḳhaar hī thā
ye saudā.ī kab dil lagā jāntā hai
tere bande hum hain KHuda jaanta hai
KHuda jaane to hum ko kya jaanta hai
nahin ishq ka dard lazzat se KHali
jise zauq hai wo maza jaanta hai
hamesha dil apna jo beja hai us bin
mere qatl ko wo baja jaanta hai
gahe zer-e-burqa gahe gesuon mein
gharaz KHub wo munh chhupa jaanta hai
mujhe jaane hai aap sa hi farebi
dua ko bhi meri dagha jaanta hai
jafa us pe karta hai had se ziyaada
jinhen yar ahl-e-wafa jaanta hai
laga le hai jhumke dikha kar usi ko
jise mughbacha parsa jaanta hai
use jab na tab hum ne bigDa hi paya
yahi achchhe munh ko bana jaanta hai
bila-shor-angez hai chaal us ki
isi tarz ko KHushnuma jaanta hai
na garmi jalati thi aisi na sardi
mujhe yar jaisa jala jaanta hai
yahi hai saza chahne ki hamare
hamein kushta-KHun ke saza jaanta hai
mere dil mein rahta hai tu hi tabhi to
jo kuchh dil ka hai muddaa jaanta hai
pari us ke sae ko bhi lag sake na
wo is jins ko kya bala jaanta hai
jahan 'mir' aashiq hua KHar hi tha
ye saudai kab dil laga jaanta hai
Source:
MIRIYAAT - Diwan No- 5, Ghazal No- 1782
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.